ໝວດທີ່ຂຶ້ນຕົ້ນດ້ວຽສຣະ "ໄ"

 

ໄກໄປໜ້າ ບໍ່ຄືນມາຂອງເກົ່າ
ເຮັດຜິດກໍ່ແມ່ນເຈົ້າ ເວົ້າບໍ່ຟັງກໍ່ແມ່ນເຈົ້າ ເອົາແຕ່ໃຈກໍ່ແມ່ນເຈົ້າ ຢາກເຫັນຂ້ອຽ ໃຫ້ເບິ່ງໝອນ ນ້ອງເອີຽ
 ໄກໄປໜ້າ ບໍ່ມີວັນກັບມາຈວບ
ມື້ສືບມື້ ເມືອໜ້າຜັດແຫ່ງໄກ
 ໄກ.. ກະຂໍໃຫ້ໄກແຕ່ບ້ານ ຮົ້ວໄຮ່ນາສວນ
ໄກ.. ກະຂໍໃຫ້ໄກແຕ່ມວນ ໝູ່ເຮືອນກັບເລົ້າ
ສ່ວນວ່າວາຈາເວົ້າ ສອງເຮົາຢ່າໄດ້ຫ່າງ
ແມ່ນຊິຢູ່ຕ່າງບ້ານ ຄວາມເວົ້າຢ່າຫ່າງກັນ
 ໄກກະຂໍໃຫ້ໄກແຕ່ໜ້າ ທຽວໄປມາບໍ່ໃຫ້ຫ່າງ
ສ່ວນຈິຕໃຈຫາກຢູ່ພີ້ ໄປພຸ້ນແຕ່ຮ່າງຄີງ
 ໄກກະຂໍໃຫ້ ໄກແຕ່ກາຽ ເດີ້ອ້າຽ ໃຈຊາຍ ຢ່າໄກຫ່າງ ນາງເດີ້
ຢ້ານແຕ່ ໝາງໜ່າຍໜ້າ ຜລາອ້າຽ ໃຫ້ຫ່າງນາງ ນັ້ນແຫຼ້ວ
 ໄກກໍ ຂໍໃຫ້ໄກຕັ້ງແຕ່ໜ້າ ກັບວາຈາທີ່ຝາກສົ່ງ
ໃຈທີ່ຫຼົງຮັກໝັ້ນ ຢ່າຫັນຮ້າງຫ່າງກັນ
ສຸດທາງຝັນຂອງອ້າຽ ຢູ່ຄຽງກາຽມີນ້ອງຢູ່
ຫວັງສິໄດ້ຮັບຮູ້ ດູໄດ້ດັ່ງຫວັງ
ມັນຣ໌ຄາທາງໄປໜ້າ ມີນ້ຳຕາຝາກສົ່ງ
ໃຈທີ່ທົງຮັກໜັ້ນ ບໍ່ໝາຽຮ້າງຫ່າງກັນ
 ໄກແຕ່ ກາຽພາຽພີ້ ຍັງມີໃຈຄຶດຮ່ຳ 
 ຄິດນຳນາງຢູ່ບໍ່ແລ້ວ ເປັນແປ້ວຢູ່ຫວ່າງໃຈ
ຄິດນຳດວງດອກໄມ້ ທັດໃສ່ແຊມຜົມ 
ຄຶດພໍ້ພົມແພຜືນ ສົ່ງຄືນຄຽນຕູ້ມ 
ຄິດຮອດສອງແຂນຫຸ້ມ ມືກຸມກອດແກ່ນ
ຄຶດຮອດຕຽງແຜ່ນແປ້ນ ທີ່ເຄີຽເວົ້ານັ່ງຈາ ແທ້ເດ້
 ໄກແຕ່ ກາຍຄີງຄ້ອຽ ແຕ່ໃຈຄອຽທຸກເຊົ້າຄ່ຳ
ຄືນເດືອນພ່ຳ ຍາມເດືອນຄ້ອຍ ໃຈຂ້ອຍແຮ່ງຄນິງ
ອຸ່ນອົກອີງ ພິງໃຜຫຼ້າ ຍາມນິນທາທີ່ວ້າເວ່
ສາຍລົມ ເພພັດຮ້ອນ ມະໂນອ້ອນວ່າຄິດເຖິງ
ຍັງຄຳນຶງໃນຫ້ວງ ເປັນຫ່ວງບໍ່ເຄີຽຈາງ
ແມ່ນຊິ ໄກໄລລາງ ບໍ່ເຄີຍໝາງຍັງເຈົ້າ
ເປັນຄື ເງົາຕາມຕ້ອຍ ນຳຮອຍຊູບາດຍ່າງ
ໄກກະບໍ່ເຄີຍຈາງ ຫ່າງກະບໍ່ເຄີຍເວັ້ນ ເຫັນໃຈຂ້ອຍຜູ້ຄິດເຖິງ ແດ່ເນີ້
 ໄກຟາກຊົ້ງ ຂົງເຂຕຄາເມ
ສັນໃດ ເຊມາພົບ ຜ່າຽພານເຫັນພໍ້
ຫຼືແມ່ນຊາຕາຫຽໍ້ ໂອນໍບຸປປະຊາຕ
ເວນບໍ່ຂາດຈາກເຈົ້າ ຈຳຕ້ອງຈ່ອງດຶງ
 ໄກມື້ນີ້ ມື້ອື່ນຊິມາຫາ
ຄັນແມ່ນຊີວາຍັງ ຊິໝັ່ນມາຫານ້ອງ
 ໄກບໍ່ໃກ້ ພໍສ່ຳໄກ່ບິນຕົກ
ນົກບິນຂວ້າມ ງົວຄວາຽຂືນຂວ່າຽ
 ໄຂກະໄຂມມາຖ້ອນໄຂແປວປ້ານເປັ່ງ
ຄັນບໍ່ໄຂເປັ່ງທ້າງທາງນັ້ນຊິຂາດເຂີນ.
 ໄຂກະໃຫ້ໄຂມາຖ້ອນ ທາງຊາຽສິຖ້າໂຕ່ງ
ໄຂໃຫ້ຕຣົງຕໍ່ທ້າງ ທາງອ້າຽສິໂຕ່ງເອົາ
ຢ້ານແຕ່ຕິຖແລງເວົ້າ ເອົາເລົາມາປູກ
ບໍ່ແມ່ນເຊື້ອຊາຕອ້ອຽ ກິນໄດ້ກະບໍ່ຫວານ.
 ໄຂກະໄຂມາທ້ອນ ໄຂແປວປ້ານເປັ່ງ
ຄັນບໍ່ໄຂເປັ່ງທ້າງ ທາງນ້ຳຊິຂາດເຂີນ ໄດ້ເຫັນ ໜ້ານ້ອງພຽງນຶ່ງຄັ້ງ ຍັງຝັງແນບດວງຈິຕ
ວັນຄືນນອນອາວອນຄິດ ຫ່ວງຄນຶງນຳນ້ອງ
ຫົວໃຈຂອງຊາຽກຸ້ມ ພໍປານໄຟສຸມແກບ
ອົກອ້າຽແທບແຕກມ້າງ ນຳນ້ອງຜູ່ດຽວ

ບໍ່ແມ່ນອ້າຽເວົ້າກ້ຽວ ລຽວລອກຄາຣົມຫວານ
ເອົານ້ຳຕານມາລວງ ປວງໝົດແດງຕິດໝໍ້
ບໍ່ແມ່ນຊາຽມາລໍ້ ລວງອະນົງໃຫ້ຫຼົງເຊື່ອ
ບໍ່ແມ່ນເສືອຫຼອກຕົ້ມ ຊົມຊ້ອນແລ້ວແລ່ນໜີ

ດວງໃຈອ້າຽດວງນີ້ ແນ້ວແນ່ບໍ່ແປຜັນ
ປາກກັບໃຈຕົງກັນ ແນ່ນອນທາງອ້າຽ
ຢ້ານແຕ່ສາຽໃຈນ້ອງ ບໍ່ໝາຽປອງປະສົງພີ່
ຢ້ານຄົນດີຫຼອກໃຫ້ ຕາຽຍ້ອນເພາະຮັກນາງ

ຢ້ານແຕ່ຕົວະໃຫ້ເພີ້ ລະເມີປ່ວງຊວງກະສັນ
ຕົວະໃຫ້ຝັນຄົນດຽວ ເພິ່ນບໍ່ຫຼຽວແລຊ້ຳ
ແນວກາດຳຄືອ້າຽ ໝາຽປອງຫົງເຫມມະຣາຊ
ປາຖນາຮ່ວມຊ້ອນ ຄອນຊູ້ຄູ່ຄຽງ

ຫາກສາວນາງບໍ່ເຕື້ອງ ເບື້ອງພີ່ຄົງຕຣົມ
ຮັກບໍ່ສົມຄວາມຫວັງ ດັ່ງມະໂນໝາຽໄວ້
ຂືນຢູ່ໄປບໍ່ເປັນແລ້ວ ແນວຫົວໃຈມັນໂສກ
ເພາະໂຣກຮັກແລ່ນກຸ້ມ ສຸມໄໝ້ຢູ່ດັ່ງໄຟ

ຫາກຄວາມຫວັງພີ່ບໍ່ໄດ້ ສົມດັ່ງຄວາມຮັກ
ຂໍສມັກທາງຕາຽ ບໍ່ຮັກໃຜເລີຽນ້ອງ
ຜິດຈາກນົງນາງຫຼ້າ ບໍ່ແລຫາໃຫ້ມັນຍາກ
ຫາກຊາດນີ້ບໍ່ໄດ້ເຈົ້າ ບໍ່ຄອງເຖົ້າແກ່ຕາຽ

ຊີວິດຂອງໝ່ອມອ້າຽ ເຖິງທີ່ອາວະສານ
ຢູ່ໄປນານບໍ່ທົນໄຫວ ໜ່ວງໃນໃຈແທ້
ອົກເປັນແຜໜອງຫົ້ງ ນວນອະນົງນ້ອງເຫີນຫ່າງ
ໄມຕຣີຈາງຈືດຈ້ອຽ ສິລອຽໜ້າຢູ່ຈັ່ງໃດ

ອ້າຽນີ້ຢູ່ບໍ່ໄດ້ ດອກນ້ອງອຸ່ນທູນຫົວ
ຄອບວ່າມົວຫຼົງຮັກ ແຕ່ນົງນາງນ້ອງ
ໃຈພີ່ປອງປະສົງຊ້ອນ ດອນເສືອກະສິຜ່າ
ແມ່ນຜາຫີນຂວາງຂັ້ນ ພັນດອຽອ້າຽບໍ່ຫວັ່ນ
ກ່ຳແພງຊັນຮ້ອຽຊັ້ນ ຕັນໄວ້ພີ່ສິປີນ

ພູຜາຫີນເຫວກວ້າງ ທະເລຫຼວງສລາມໂຫດ
ເລິກແສນໂຍດອ້າຽບໍ່ຢ້ານ ສິຫານກ້າເຂົ້າຝ່າຟັນ

ແມ່ນສິທຸກຮ້ອຽຊັ້ນ ພັນໜື່ນອຸປປະສັກ
ໂສຕົກລົງປົງໃຈຮັກ ບໍ່ຫວັ່ນເລີຽທາງອ້າຽ
ຂໍຍອມຕາຽດອມນ້ອງ ບໍ່ໝາຽປອງເປັນອື່ນ
ທຸກວັນຄືນຮັກແຕ່ເຈົ້າ ຕະຜອງເຖົ້າລະມິງມໍ.
 ໄດ້ກິນແກງປາຄ້າວ ບໍ່ລືມຄາວກະປູປົ່ນ
ຮຽມໄດ້ຈາກໄປດົນ ຍັງບໍ່ລືມພີ່ນ້ອງ ທັງຫຼາຍລົ້ນລ້ວນຄິດນຳ.
 ໄດ້ຍິນ ສຽງເອ໊ບໆຮ້ອງ ບໍ່ກ້າວ່າສຽງກົບ
ແມ່ນຊິເປັນທຳທານ ກໍ່ວ່າຍັງກົວຢ້ານ
ກົວແຕ່ເປັນແນວເຊື້ອ ຈົງອາງສາງເຫົ່າ
ຄັນໄດ້ຕອດພີ່ນ້ອງ ບໍ່ມີໄດ້ສັ່ງໃຜ 

ອັນວາຈາຍິງນີ້ ມັນຮ້າຽກວ່າຈົງອາງ
ປະສາຫຍັງທຳທານ ເຫົ່າດົງຍັງນ້ອຽ
ແນວວ່າທາງໂຕຂ້ອຽ ບໍ່ຮ່ອນຟັງຄວາມລ່າຽ
ຍິງເວົ້າຫຼາຽປາກປີ້ນ ຢ່າຫຼົງລີ້ນເຊື່ອໄວ
 .ໄດ້ຍິນ ສຽງຊາຍເວົ້າ ຄຳເຫງົາໆຈາກໃຈພີ່
ນ້ອງນີ້ມາຮິ່ງຮ້ອນ ອອນຊອນອ້າຽວ່າມາ 

ຄິດຮອດເດ້... ຄິດຮອດອ້າຽ ຊາຽຜູ້ຢູ່ແດນໄກ
ຍາມຫຼັບໃຫຼຊິມີໃຜ ລ່ຳແຍງບໍ່ນໍອ້າຽ
ອັນຕລາຍໃດນັ້ນ ໃຫ້ໄກຈາກພີ່
ຍາມຫຼັບຂໍໃຫ້ຫຼັບຝັນດີ ໃຫ້ມີແຕ່ໜ້ານ້ອງ ຄອງໃຈອ້າຽແຕ່ຜູ້ດຽວ.
 ໄດ້ຍິນວາຈາເວົ້າ ຢືນຢັນເອົາ ເວົ້າຄືເກົ່າ
ໃຈນ້ອງກໍ່ຄິດເຝົ້າ ນຳເຈົ້າແຕ່ຜູ່ດຽວ ນັ້ນແລ້ວ

ຄິດຮອດເດ້ ຄິດຮອດອ້າຽ ຄວາມເກົ່າຄາວຫຼັງ
ປາງທີ່ສອງເຮົາຍັງ ນັ່ງຮຽງຄຽງໃກ້
ສອງເຮົາໄດ້ ສັນຍາໃຈຮຽງຮ່ວມ
ປາຖນາຢູ່ລ້ວມ ກວມກຸ້ມຫຸ່ມໃຈ

ຄິດຮອດດວງດອກໄມ້ ແຊມໃສຜົມຫອມ
ຄິດຮອດດອກຜະຍອມບານ ຜ່ານມາຍາມແລ້ງ
ຫາຽແຄງແຄນໃຈອ້າຽ ຊາຽຜູ້ດີຢ່າເຄືອງຂຸ່ນ
ບຸນນາງຫຼາຽ ເຊື່ອວ່າຊາຍ ບໍ່ໝາຽມີໃໝ່ຄ້ອງ ຄອງໃຈອ້າຽນັ້ນ ຜັ່ນແມ່ນນາງ
 ໄດ້ຟັງສຽງສຳນຽງຕ້ານ ຕາສົງສານແທ້ນໍ້ພີ່
ບ່າວຜູ້ດີຈັ່ງອ້າຽ ຈັ່ງໃດແທ້ນ້ອງບໍ່ລືມ

ນ້ຳຕາຊືມເຫັນອ້າຽເວົ້າ ພໍຮູ້ຂ່າວອ່ານຈົດໝາຽ
ຂໍຂ່າວຈາຫາເລີຽ ວ່າບໍ່ເຄີຽລືມອ້າຽ
ຝາກຫົວໃຈໃນຊອງນີ້ ໄປສນີຈົດໝາຽດ່ວນ
ສົ່ງສຳນວນຮັກອ້າຽ ບໍ່ວາຽເວັ້ນແຕ່ລະວັນ

ຄົນສຳຄັນໃນໃຈນ້ອງ ໃຫ້ອ້າຽຄອງຖ້ານ້ອງກ່ອນ
ຣະດູຍາມພັກຮ້ອນ ກ່ອນເດີ້ອ້າຽຈັ່ງວ່າກັນ
 ໄທເມືອງໄຊ ບໍ່ຫານຕ້ານ ເປັນອາຈານ ໃຜດອກ
ປັນຍາ ມີທໍ່ກ້ອຽ ຊົລຊ້ອຽ ອະເຫີ່ຽຫົວ
ຕົວຮຽມນີ້ ພຽງແຕ່ ເຄີຽເຫັນພໍ້ ໃນໃບລານ ເພິ່ນຈາຣບອກ
ຊອກມາເປັນ ແບບເບື້ອງ ເຄືອງເຈົ້າ ຢ່າສິຊັງ ເທາະເນີ້...
 ໄປດີເຢີ້ ແກ້ວຄ່າລ້ານ ສັພພະເລີດລືອົງ
ເຈົ້າຜູ່ຫົງລາຄອນ ປ່າດອນດົງໄມ້
ຍາມເມື່ອໄລລາຮ້າງ ຢ່າລືມຍາງກະຍູງປ່າ
ຢ່າລືມຜາຊ່ອງຊັ້ນ ພູຂັ້ນປ່າດອຽ

ຂວ້າມໂຄກຄ້ອຽ ອ້ອຽອິ່ນຍິນສຽງ
ຟັງສຳນຽງແນວສັຕ ໝູ່ກວາງແກມໄກ້
ຝູງຊະນີນາງໄຫ້ ດັງໄປກ້ອງທົ່ວ
ຜະວັກຜົວສັ່ງຊູ້ ວ່າກູນີ້ສັ່ງນາງ

ເລາະລຽບທ້າງ ແປວຍ່າງທາງສັຕ
ເຫັນແຕ່ເຄືອພັນມັດ ໃສ່ປໍແປງບ້ວງ
ເປັນແນວໜ້ອງ ກົນລວງຜາງໜ່າຽ
ປຽບສະເໝືອນມິ່ງອ້າຽ ບໍ່ເຫັນບ້ວງລ່ວງຄໍ

ຂື້ນໂຄກຈໍ້ ເຕັມໜໍ່ໜາມຫວາຽ
ຕົນພີ່ຊາຽທຽວຖາງ ຖາກທາງດົງເຍີ້ນ
ດີທໍ່ເພີນພຽງເຫຼັ້ນ ແນມເຫັນປະມານໜຶ່ງ
ໜາມຫາກເກາະກ່ຽວຕື້ງ ດືງຜ້າແຜ່ນແພ

ປົດກ່ຽວແກ້ ເຊົາແວ່ນຳໜາມ
ເລີຽເລົາຮາມທາງລັດ ເລາະໄປຕາມໂຄ້ງ
ໃຈປະສົງໝາຽໝັ້ນ ໜາມພັນເຟືອກ່ຽວ
ບ່ອນທາງທຽວຄົດໂຄ້ງ ງໍລ້ຽວຫຼອກຕາ

ເບີກຝ່າຽຟ້າ ຕາເບິ່ງບໍ່ເຫັນດາວ
ເມຄາ ຂາວກັບດຳ ດ່າງສີຄວັນຄື້ມ
ບໍ່ຫ່ອນລືມລົງໄດ້ ເຖິງສິໄກເກີນຫ່າງ
ເອີ້ນສັ່ງນາງມິ່ງຊູ້ ຊາຽນັ້ນອັ່ງຊວງ ພີ່ແລ້ວ
 ໄປທຳງານໃນກຸງກວ້າງ ເມືອງຫຼວງ ເມືອງໃຫຍ່
ປະເອົາລູກນ້ອຍໄວ້ ຕາຍາຍເຖົ້າເບິ່ງແຍງ

ຄືຈັ່ງໂລກກັ່ນແກ້ງ ຫາກແຕ່ແມ່ນຄວາມຈິງ
ບໍ່ວ່າລູກຍິງລູກຊາຽ ໄດ້ຫ່າງກາຽຢູ່ຄົນກ້ຳ
ເປັນນຳເງິນພາຈໍ້ ທະນາຄານກະມາໄລ່
ມີທໍ່ໃດກະໄດ້ກູ້ ເອົາມາໃຊ້ຄອບບໍ່ມີ

ຮອດຂວບປີແລ້ວນີ້ ໜີ້ສິໄລ່ມາຖາມ
ຢ່າຟ້າວຕາມມາທວງ ຂ້ອຍປ່ວງນຳຫາມາໃຊ້
 ໄໝຄຳຫຍຸ້ງ ເຕັມບຸງບໍ່ເຫັນເງື່ອນ
ບາດໄດ້ກຳເງື່ອນໄວ້ ແປນສົ້ນຄ່າວາ
 ໄໝກັບຝ້າຍ ປົນກັນມັນບໍ່ເບື່ອ
ເຊື້ອພີ່ນ້ອງນອນໃກ້ແຫ່ງອຸ່ນດົນ.