ໝວດທີ່ຂຶ້ນຕົ້ນດ້ວຽສຣະ "ໃ"

 

ໃຈໃຫ້ເຢັນຄືນ້ຳ ໄຫຼໂອ່ພະສຸທາ
ໃຈໃຫ້ແຂງຄືຜາ ໜ່ວຽພູທຽມເມກ
ໃຈຢ່າໃຫ້ອ່ອນເປັ້ຽ ຄືເຄືອໝາກບວບອ່ອນ
ໃຈຢ່າໃຫ້ເຮັ່ງຮ້ອນ ພັຍຮ້າຽໃຫ້ຄ່ອຽໄຂ ພີ່ນ້ອງເອີ້ຽ ໃຈກະສັນຝັນເຫັນໜ້າ ຄວງຫາທຸກເຊົ້າຄ່ຳ
ຄິດນຳດວງດອກໄມ້ ຜູ້ໄກບ້ານຫ່າງກັນ

ທະເລຫຼວງຂວາງກັ້ນ ບໍ່ໄດ້ຫວັ່ນດອກທາງໃຈ
ແມ່ນຊິໄກແສນໄກ ຫ່ວງໃຍຄນຶງນ້ອງ
ອັນຄວາມໝອງຄວາມເສົ້າ ບໍ່ບາງເບົາຄຶດຮອດ
ເຄີຍໄດ້ອອດເອີ່ຍເວົ້າ ນຳເຈົ້າເລົ່າບໍ່ລືມ ໃຈດຳແທ້ນໍຫຼ້າ ອ້າຽໂທຫາມິດອິ່ມຊິ່ມ
ແມ່ນເຈົ້າອີ່ມເປີດອ້າຽ ຊາຽພີ້ເຣື້ອງອີ່ຫຍັງ

ໂທໄປຫາແຕ່ລະຄັ້ງ ປະຕິເສດທາງສາຽ
ຄືຍາກຫຼາຽນໍ້ຫຼື ແມ່ນເພີ່ນລໍສາຽເວົ້າ
ຍາມເມື່ອຊາຽໂທເຂົ້າ ສັນຍານເຊົາຂາດຕິດຕໍ່
ມາຄັກຫຼາຽກະດໍ້ ໃຈນໍ້ເຈົ້າຊ່າງດຳ

ຢາກເວົ້ານຳພໍຫາຽກຸ້ມ ບັນຫາສຸມພໍໄດ້ຊວ່າງ
ສັງມາໃຈບໍ່ກວ້າງ ສີນຫ້ຽນຮ່ອມປາຽ

ອ້າຽຄືບໍ່ໄດ້ຮ້າຽ ລວງຫຼອກແນວໃດ
ນາງຊ່າງມາເປັນໄປ ຕ່າງຫຼັງຄາວກີ້
ຫຼືແມ່ນມີຄົນເວົ້າ ທາງເຂົານັ້ນສັບຊໍ່
ຫຼືອ້າຽດີບໍ່ພໍ...ເຈົ້າຈັ່ງຕັດຂາດບັ້ນ ຜັນປີ້ນປ່ຽນໄປ ນາງເອີ້ຽ ໃຈນຶ່ງ ວ່າຢາກງົມປາປີ້ງ ກາງທະເລໃຫ້ເຂົາຊ່າ ສາເດ້
ໃຈນຶ່ງວ່າຢາກຖົມແມ່ນ້ຳ ໃຫ້ເປັນພື້ນແຜ່ນດຽວ. ໃຈບໍ່ ໃສຕໍ່ແກ້ວ ແຍງເງົາກໍບໍ່ສ່ອງ
ໃຈບໍ່ໃສຕໍ່ຄ້ອງ ຕີໄດ້ກໍບໍ່ດັງ. ໃຈບໍ່ໃສຕໍ່ນ້ຳ ແຍງເງົາກະບໍ່ສ່ອງ
ກົບບໍ່ເຕື້ອງຕໍ່ຖ້ຳ ເຫັນນ້ຳກະວ່າໂພນ ໃຈບໍ່ໃສຕໍ່ນ້ຳ ແຍງເງົາກະບໍ່ສ່ອງ
ກົບບໍ່ເຕື້ອງຕໍ່ເທື້ອມ ເຫັນຖ້ຳກະວ່າໂພນ ໃຈບໍ່ ໂສດາດ້ວຍ ເວົ້າແມ່ນກໍເປັນຜິດ
ໃຈບໍ່ໂສດາດອມ ປາກດີກໍເປັນຮ້າຍ. ໃຈປະສົງສິຊື້ ໃຫ້ຖືເງິນມານຳແນ່
ຢ່າມາຢືນແພ້ແວ້ ທຽວຖ້າຕັ້ງແຕ່ເຊັນ ໃຈປະສົງ ສົມສ້າງ ກາງໂພນກະໄດ້ກົ່ນ
ອົດທົນເອົາຕໍ່ສູ້ ບໍ່ມີຮູ້ແບ່ງເບົາ
ບໍ່ຫ່ອນເຊົາຈາຕ້ານ ຄຳຂານຜຍາຫຽ່ອຍ
ໄດ້ໃຫ້ຊາວໜຸ່ມນ້ອຽ ພາຽຊ້ອຽເມື່ອລຸນ ໃຈປະສົງ ສ່ອງແກ້ວ ແວວແວ່ນແສນໃສ
ຢາກເຫັນໃນນວນນາງ ຜ່າງສເນເນົານັ້ນ
ຈິດຢາກແຝງເຝືອຝັ້ນ ສັມພັນກັນຮຽງຮ່ວມ
ອ້າຍຢາກຂໍພາດຂວ້າມ ກວມຕ້າຍກ່າຍສະພານ. ໃຈປະສົງຫຍັງແລ້ວ ເມືອງແກວກະດັ້ນຮອດ
ໃຈປະສົງຕໍ່ເຈົ້າ ດືງໄວ້ກະບໍ່ຟັງ

ໃຈປະສົງຕໍ່ຕັ້ງ ສິດັ້ນຢ່າງທາງໄກ
ໃຈປະສົງຕໍ່ໃຈ ສິດ່ວນໄປບໍ່ມີລ້າ
ໃຈປະສົງຕໍ່ຟ້າ ເຖິງຢູ່ດິນສິບິນເວີ່ນ
ໃຈປະສົງຄັກແລ້ວ ບໍ່ມີແປ້ວບໍ່ສົມ

ໃຈປະສົງຕໍ່ອົ້ມ ຈົມແຜ່ນທໍຣະນີ
ໃຈປະສົງຄົນດີ ສິມຸດທໍຣະນີດັ້ນ
ໃຈປະສົງຈາຕ້ານ ຕໍ່ນາງສິເອີ້ນໃສ່
ໃຈປະສົງສິ່ງໃດ...ບ່າວພີ່ຊາຽສິບໍ່ຢ້ານ ຍ້ອນຄວາມດ້ານຮັກແພງ

ໃຈປະສົງເງິນແບ໊ງຄ໌ ຢ່າລືມໝັ່ນຂຍັນຫາ
ໃຈປະສົງປູປາ ໃຫ້ໃສ່ໄຊດັກຕ້ອນ
ໃຈປະສົງຕໍ່ມ້ອນ ໃຫ້ປູກມອນໄວ້ປ້ອນເພິ່ນ
ໃຈປະສົງເພີດເພີນ ເຊີນແວ່ມາຊ່ອຽເວົ້າ ຜຍາເຈົ້າຈັ່ງມ່ວນໃຈ

ໃຈປະສົງຝາກໄວ້ ຈັ່ງໄດ້ແຕ່ງເອົາມາຂຽນ
ໃຈປະສົງຄວາມພຽນ ຈັ່ງຂຽນມາໂຮມເຕົ້າ
ໃຈປະສົງຢາກເວົ້າ ຄວາມຜຍາຈັ່ງມາຕື່ມ
ໃຈປະສົງຢາກລືມ ຄວາມຜຍາແຕ່ເຄົ້າ ກະເລີຽເວົ້າຢູ່ບໍ່ຖອງ (ຖອງ = ໄປເລື້ອຽໆ) ໃຈປະສົງ ຕໍ່ສົ້ງ ກາງເກງຈັ່ງຊື້ນຸ່ງ
ໃຈປະສົງນາດນ້ອງ ນາງຫຼ້າພີ່ຈຶ່ງມາ. ໃຈປະສົງ ຕໍ່ໄມ້ ຈຶ່ງໄດ້ແບກຂວານມາ
ໃຈປະສົງຕໍ່ປາ ຈຶ່ງແບກແຫມາພ້ອມ
ຊອມສິເປັນຕາໄດ້ ສິສານໄຊມາໃສ່
ຄັນບໍ່ເປັນທ່າໄດ້ ສິໄລຮ້າງຫ່າງໜີ. ໃຈປະສົງ ຕໍ່ໄມ້ ຈຶ່ງໄດ້ແບກຂວານມາ
ປະສົງເຮືອຊາວວາ ຈຶ່ງແບກພາຍມາພ້ອມ. ໃຈປະສົງ ຕໍ່ຕັ້ງ ຫວັງຊົມແກ້ມອ່ອນໆ
ໃຜສິຊົມກ່ອນອ້າຽ ຄອຽຖ້າເບິ່ງເມືອ

ພີ່ຊິເພພັງມ້າງ ຝາແດນກາງໃຫ້ຂາດຖ່ອງ
ພັງທັງອູ່ແອ່ງນ້ຳ ໃຫ້ເປັນເຟື້ອງທົ່ວເຮືອນ. ໃຈປະສົງ ນຳແລ້ວ ບໍ່ມີແນວຊິກັ້ນຢູ່
ພູເຂົາສູງສຽດຟ້າ ຂວາງໜ້າກໍ່ຊ່າງຕາມ

ສິບແມ່ນ້ຳຊາວແມ່ນ້ຳ ທະເລຫຼວງກັ້ນເຂດ ກໍຕາມທ້ອນ
ເຫດຮັກມີສ່ຳຟ້າ ບໍ່ມີແລ້ວຊິຢູ່ໄຫວ. ໃຈປະສົງ ໜ່ວຽແກ້ວ ເມືອຂອດແຂນຂວັນ
ໃຈປະສົງແພງຂວັນ ຈຶ່ງຄ່ອຽເດີນມາພີ້. ໃຈປະສົງ ໝາຽມຸ້ງ ຄຽງຄູ່ເມັຽຜົວ 
ບໍ່ມີມົວໝອງເໝີນ ບາດໝາງໜີຮ້າຽ
ມີແຕ່ໝາຽມາສ້າງ ບາຣະມີຮຽງຮ່ວມ
ມີແຕ່ຂໍມອບມ້ຽນ ເປັນຂ້າຊົ່ວຊີວັງ. ໃຈປະສົງ ຢາກໄດ້ສົ້ງ ຫຼົງມາເຫັນສິ້ນລາຍກ່ານ
ວ່າຢາກກິນໝາກຕານ ຜັນມາພໍ້ໝາກມີ້ ແນວນີ້ກໍ່ຊ່າງເປັນ. ໃຈມ່ອມອ້າຍ ຫມາຍມຸ້ງພຣະໄມມິດ
ຊິຄ່ອຍປຸນປອງຮັກ ຮ່ວມຮຽງຮາວຖ້ານ
ສົມພານເບື້ອງ ປາຣະມີຮຽງຮອດ ກັນແລ້ວ
ສຸດຟາກລວງ ເລິກລໍ້າ ພິລາກ້ຽວກ່ອມລໍາ ໄດ້ເດ. ໃຜຊິ ຫຼຽວເຫັນໄສ້ ໃນໃຈນົກຂີ້ຖີ່
ບາງທີຝັງກ່ຽວໄວ້ ໃນຫັ້ນໝື່ນດວງ. ໃຜຊິຫຼຽວເຫັນໄສ້ ໃນໃຈນົກຂີ້ຖີ່
ຄວາມປາກຫວານຈ້ອຍໆ ໃຈສົ້ມດັ່ງໝາກນາວ. ໃຜຊິ ຫຼຽວເຫັນໄສ້ ໃນໃຈນົກຂີ້ຖີ່
ມັນຫາກຮ້ອງປຶດປຶ້ງ ໃຈລ້ຽວໃສ່ກະປູ.
  • ໃຜສິຫຼຽວເຫັນໄສ້ ຕັບໃຕນົກຂີ້ຖີ່
    ປາກມັນຮ້ອງຈ້ອຽໆ ຕາເສື້ອງໃສ່ກະປູ
    ຢ່າຊູມາຫາເວົ້າ ຄຳບໍ່ແມ່ນ ມັນຜິດກັນ
    ຄຳບໍ່ມີມາແຖລງ ແມ່ນບໍ່ຄວນຫາເວົ້າ
    ຄຳວ່າອ້າຽຮັກນ້ອງ ເປັນຄວາມຈິງສັດຊື່
    ຄຳບໍ່ຈິງອ້າຽບໍ່ເວົ້າ ມັນເສັຽຊັ້ນຊາຕຊາຽ
    ຊາຽນີ້ ຫາກເປັນຊາຽຈິງແທ້ ບໍ່ມີແຫ່ມາປົນ
    ບໍ່ແມ່ນຊາຽທຽມຍິງ ຮັກຈິງບໍ່ລວງລໍ້
    ຢ້ານແທ້ນໍທາງນ້ອງ ປອງລວງເວົ້າລ່າຽ
    ຕົວະໃຫ້ຊາຽນີ້ລົ້ມ ເດືອນຫ້າກ່ອນຝົນ
    ເທິງບົນສີຂາວຈ້າ ວ່ານ້ຳແກ່ງວັງໃສ
    ຊາຽຈື່ງໂຕນລົງໄປ ຜັດແມ່ນວັງບໍ່ມີນ້ຳ
    ຄັນແມ່ນຈິງຄືນາງເວົ້າ ຄັນເປັນຈິງຄືນ້ອງວ່າ
    ອອກພັນສາແລ້ວອ້າຽ ສິເອົາເຖົ້າໄປຈ່າວຂໍ
    ວ່າແຕ່ທາງຝ່າຽນ້ອງ ສິຫຼົບຫຼີກທາງໃດ
    ຢ້ານແຕ່ຊາຽໄປເຖິງ ສິວ່າມີແຟນແລ້ວ
    ແນວບໍ່ຄືຄວາມເວົ້າ ມາຕົວະເອົາຫຼອກລ່າຽ
    ຕົວະໃຫ້ຊາຽຕົກຫຼຸມ ຕົວະໃຫ້ຊຸມມົດມ້ອຽ
    ຕົວະໃຫ້ຕາຽແຂວນຫ້ອຽ ຄາຄ້າງຍອດໄຜ່ໜາມ...
ໃຜຊິ ຫຼິງເຫັນໄດ້ ທາງໃນປ້ອງໄມ້ຊອດ
ຢ້ານແຕ່ມອດລັກດັ້ນ ໃນຫັ້ນໝື່ນໂຕ. ໃຜຊິ ຫຼິງເຫັນໄດ້ ທາງໃນປ້ອງໄມ້ໄຜ່
ໄມ້ຫາກເປັນກຳແພ້ງ ແມງຂໍ້ສ່ອງບໍ່ເຫັນ. ໃຜຊິ ຫຼິງເຫັນໄດ້ ທາງໃນປ້ອງໄມ້ໄຜ່
ມອດຫາກມາລັກຊີ ແມງອີຫາກມາລັກດັ້ນ ໃນຫັ້ນສ່ອງບໍ່ເຫັນ. ໃຜຢາກ
ໃຜຢາກ ມີປັນຍາ ໃຫ້ໄປຫາຟັງເທສ
ໃຜຢາກ ສາຣະເຫຕ ໃຫ້ໄປລັກຂອງເຂົາ
ໃຜຢາກ ຂ້າຍັງເງົາ ໃຫ້ເຂົ້າໄປເຊົາຮົ່ມ
ໃຜຢາກ ຟັງຄົນຈົ່ມ ໃຫ້ເປັນລູກເຂີຽຄົນ
ໃຜຢາກ ເປັນຄົນຈົນ ໃຫ້ທຽວໄປເຫຼັ້ນໂບກ
ໃຜຢາກ ມີລາພໂຊກ ໃຫ້ຫາຣືກຍາມດີ
ໃຜຢາກ ເປັນເສຖຖີ ໃຫ້ຄ້າຂາຽຖືກຊ່ອງ
ໃຜຢາກ ພາກພີ່ນ້ອງ ໃຫ້ໄປເປັນທະຫານ
ໃຜຢາກ ເປັນຄົນພາລ ໃຫ້ຮຽນກົດໝາຽແພ່ງ
ໃຜຢາກ ເປັນລູກແຫຼ້ງ ໃຫ້ໄປຢູ່ນຳເຂົາ
ໃຜຢາກ ໄດ້ຍັງບຸນ ທຳເອົາຢ່າຄ້ານ
ໃຜຢາກ ພັດພາກບ້ານ ໃຫ້ໄປຂາຍໝູນ້ອຽຝັ່ງໄທຍ໌
ໃຜຢາກ ຍາກກະໃຈ ໃຫ້ຢືມເງີນຜູ້ອື່ນ
ໃຜຢາກ ບານສົດຊື່ນ ຢ່າໄດ້ລື່ນຄອງທັມ ແທ້ນາ ໃຜວ່າ ຄັ່ງຢູ່ຕົ້ນ ກັບເກີດເປັນຊີ (ຂີ້ຊີ)
ປີກໍ່ຄົງເປັນປີ ບໍ່ຫ່ອນກາຽເປັນກ້ວຽ
ເຂົາຄວາຽເປັນງາຊ້າງ ນົກຍາງເປັນນົກເຈົ່າ
ແໜງຕຸ້ມເອົາບ່າວນ້ອຽ ເປັນສ້ອຽຄ່າມີ. ໃຫ້ເບິ່ງໂຕ...
ຢ່າໄດ້... ຕິໂທສທ້ວງ ປວງໝູ່ ໝູ ໝາ
ມັນບໍ່ເຫັນ ແນວກິນ ບໍ່ຮ່ອນ ວົນວຽນອ້ອມ
ຕິແຕ່ແມງວັນຮ້າຽ ຕອມໂຕ ຢູ່ໂພ່ໂພ່
ໂຕຫາກເໝັນອູ້ອູ້ ຕິໄດ້ຮ່ອມໃດ

ຕິແຕ່ ຄວາຽບັກເລ່ຮ້າຽ ປະຕູສວນ ບໍ່ ອັດ ຮີ່
ຕິແຕ່ ແມງໝີ່ຮ້າຽ ຕີນສີ້ນ ບໍ່ຮ່ຳເພີງ

ຕິແຕ່ ເປັນໄກ່ດື້ ເຕັ້ນ ຕອດ ຕຳຂາ
ມັນຫາກ ເຫັນແນວກິນ ຈຶ່ງແລ່ນວົນນຳກົ້ນ
ຕິແຕ່ ງົວຄວາຽໝົ້ນ ຮຽວໜາມ ຮົ້ວໄຮ່
ມັນຫາກ ເຫັນບ່ອນໄດ້ ຈຶ່ງທຽວໝົ້ນຢູ່ດົນ

ຕິແຕ່ເຂົາ ຄົນຮ້າຽ ພາຽໂຕ ບໍ່ ເຕື້ອງຕໍ່
ຕິແຕ່ຄໍ ອື່ງເຜົ້າ ຄໍເຈົ້າ ແຫ່ງຈົນ
ອັນນີ້ ຍ່າມາເວົ້າ ເອົາແຕ່ຕັບໃຕ ຫຼານເອີ້ຽ
ເອົາແຕ່ ໃນຄຳສອນ ບ່ອນຄວນມາຕ້ານ ໃຫ້ເປັນຄືສັຈຈາເວົ້າ ຢ່າເອົາເລົາມາຈັກຕອກ
ຫອກບໍ່ຄົມເຂົ້າໝ້ຽງ ຝົນຈົນກ້ຽງກະບໍ່ດີ
ຢ້ານແຕ່ທາງຝ່າຽອ້າຽ ຕົວະຫວ້ານໄຟໃສ່ກໍຂ່າ
ຕົວະລີງມາຫາແຂ້ ຕົວະໃຫ້ແບ້ແລ່ນໃສ່ເສືອ ໃຫ້ນ້ອງ ລອງຊີມສົ້ມ ໝາກນາວສີຫວານເວີ່
ຕົ້ນຕ່າງຕົ້ນ ມັນຊິສົ້ມດອກຕ່າງກັນ. ໃຫ້ນ້ອງ ອົດສາລ້ຽງ ຄວາຍໂຊໄວ້ຖ້າຮ່າ
ບາດວ່າຮ່າມາຮອດແລ້ວ ວາງຖີ້ມໃຫ້ຮ່າກິນ. ໃຫ້ຢູ່ດີເດີ້ລູກຫຼ້າ ກັບສອງເຂືອພໍ່ກັບແມ່
ມີອິຫຍັງກະຕາມແຕ່ ໃຫ້ເຈົ້າຈຳຈື່ໄວ້ ໄປໜ້າໃຫ້ຈື່ເອົາ
ອັນວ່າແມ່ຂອງເຈົ້າ ໄປຫາເງິນມາໃຊ້ຈ່າຍ
ສິສ່ຳບາຍບາດໜ້າ ອົດທົນໄວ້ຢ່າຫວັ່ນໄຫວ

ໃຫ້ເອົາໃຈຕາຍາຍເຖົ້າ ເຊົາເດີ້ຄວາມເວົ້າຍາກ
ໃຫ້ຄ່ອຍຈາປາກຕ້ານ ຈົ່ງເຊົາດື້ໃຫ້ຈື່ເອົາ ເດີ້ລູກເອີ້ຽ ໃຫ້ຣະວັງໂຕໄວ້ ຫາກຫຼາຍໃຈ ໃຫ້ຟ້າວປ່ຽນ
ຢ່າຊູ່ຮຽນເຮັດໃຫ້ ຊາຍໄດ້ທຸກໃຈ ໃຫ້ອ້າຽອົດສາຖ້າ ໃຈມາໝາຽໃຫ້ຖ້າແນ່
ຄັນຄິດຮອດແທ້ໆ ໃຫ້ເບິ່ງແຍ້ແຍ່ກະປູ
ອົດສາຢູ່ໃຫ້ສຸກໝັ້ນ ອີກບໍ່ນານສິກັບຕ່າວ
ເຂົ້າອອກຮວງເຫຼືອງອ້ອຽຊ້ອຽ ສິຄືນຄ້ອຽຖິ່ນສະຖານ
  • ໃຜສິຫຼຽວເຫັນໄສ້ ຕັບໃຕນົກຂີ້ຖີ່
    ປາກມັນຮ້ອງຈ້ອຽໆ ຕາເສື້ອງໃສ່ກະປູ
    ຢ່າຊູມາຫາເວົ້າ ຄຳບໍ່ແມ່ນ ມັນຜິດກັນ
    ຄຳບໍ່ມີມາແຖລງ ແມ່ນບໍ່ຄວນຫາເວົ້າ
    ຄຳວ່າອ້າຽຮັກນ້ອງ ເປັນຄວາມຈິງສັດຊື່
    ຄຳບໍ່ຈິງອ້າຽບໍ່ເວົ້າ ມັນເສັຽຊັ້ນຊາຕຊາຽ
    ຊາຽນີ້ ຫາກເປັນຊາຽຈິງແທ້ ບໍ່ມີແຫ່ມາປົນ
    ບໍ່ແມ່ນຊາຽທຽມຍິງ ຮັກຈິງບໍ່ລວງລໍ້
    ຢ້ານແທ້ນໍທາງນ້ອງ ປອງລວງເວົ້າລ່າຽ
    ຕົວະໃຫ້ຊາຽນີ້ລົ້ມ ເດືອນຫ້າກ່ອນຝົນ
    ເທິງບົນສີຂາວຈ້າ ວ່ານ້ຳແກ່ງວັງໃສ
    ຊາຽຈື່ງໂຕນລົງໄປ ຜັດແມ່ນວັງບໍ່ມີນ້ຳ
    ຄັນແມ່ນຈິງຄືນາງເວົ້າ ຄັນເປັນຈິງຄືນ້ອງວ່າ
    ອອກພັນສາແລ້ວອ້າຽ ສິເອົາເຖົ້າໄປຈ່າວຂໍ
    ວ່າແຕ່ທາງຝ່າຽນ້ອງ ສິຫຼົບຫຼີກທາງໃດ
    ຢ້ານແຕ່ຊາຽໄປເຖິງ ສິວ່າມີແຟນແລ້ວ
    ແນວບໍ່ຄືຄວາມເວົ້າ ມາຕົວະເອົາຫຼອກລ່າຽ
    ຕົວະໃຫ້ຊາຽຕົກຫຼຸມ ຕົວະໃຫ້ຊຸມມົດມ້ອຽ
    ຕົວະໃຫ້ຕາຽແຂວນຫ້ອຽ ຄາຄ້າງຍອດໄຜ່ໜາມ...