ໝວດທີ່ຂຶ້ນຕົ້ນດ້ວຽຕົວ "ວ"

  • ວ່າເຊື້ອ ປູປາກຸ້ງ ຫອຽນານ້ຳເຂີນຂາດ
    ຊີວິຕອາຈຢູ່ໄດ້ ອາສັຍໄງ້ປຶດແຜ່ນດິນ
    ຫາກິນບໍ່ຫານເຫຼັ້ນ ລົງງົມໃຫ້ຈົມຈຸ່ມ
    ໃຈບໍ່ຄຸມບໍ່ຄົ້ວ ໝາກນາວຊົ້ວໃສ່ໝາກຂາມ ດອກນາ
    ຢ້ານແຕ່ທາງໝາກຫວ້າ ວ່າຫາເງິນສິມາແຕ່ງ
    ເຫັນໝາກຍໍພໍ້ຄຸ່ມເມົ້າ ສິຄາເວົ້າໃສ່ໝາກເຂືອ ບໍ່ນໍ້

  • ວ່າແມ່ນ ເສືອກິນແລ້ວ ສັງບໍ່ເຫັນຮອຽລາກ
    ວ່າແມ່ນນາກກິນແທ້ ສັງບໍ່ເຫັນຮອຽແກ່
    ຫຼືວ່າເງືອກປາກແຫຼ້ ຫຼືວ່າແຂ້ປາກກວ້າງ ເອົາເຈົ້າເຂົ້າເວີ່ນວັງ.

  • ວາໂຍພັດກິ່ງກ້ານ ພານໃຈອ້າຍອຸກອັ່ງ
    ຄິດແຕ່ນຳຄວາມຫຼັງ ຍັງຄິດນຳວ່າເວົ້າ ຄາວກີ້ກ່ອນມາ
    ໄດ້ແຕ່ຫຼຽວເບິ່ງຟ້າ ຍາມໃດນາ... ນ້ອງຊິຕ່າວ
    ໄດ້ແຕ່ເຫງົາ ເນົາຢູ່ແລ້ງ ແລງເຊົ້າຈົ່ມບໍ່ເຊົາ.

  • ວາຈາຕ້ານ ຂານຄຳບົນບອກ
    ອອກຈາກໃຈທ່່ຽງແທ້ ໝາຽໝັ້ນທ່ຽງຕົງ
    ປະສົງຄວາມໄຂແຈ້ງ ຖແລງຄຳເອື້ອນເອີ່ຽ
    ເຜີຽໃຫ້ເຫັນບ່ອນເບື້ອງ ໃນເນື້ອຕ່ອນຜຍາ

    ຍົກເອົາດິນພ່ອງຟ້າ ມາຮ່ວມຄຳແຖມ
    ແຊມທະເລເຂົາຫຼວງ ພ່ຳດາວເດືອນຕັ້ງ
    ຫວັງໃນສຳນວນຂໍ້ ພໍເຫັນຖ້ວນຖີ່
    ກະວີກອນກາບພື້ນ ທາງກ້ຳຝ່າຽລາວ.

  • ວ່າຈັ່ງໃດເດ້ຫຼ້າ ຍອດສະງ່າດວງສີ
    ຫຼືບໍ່ມີໃຈຄິດ ຕໍ່ພີ່ຊາຽພໍດີ້
    ຫຼືວ່າຍິນດີດ້ວຽ ດອມພີ່ຊາຽຄືວ່າ
    ຫຼືວ່າຜູ້ຈັ່ງອ້າຽ ພະນາງນ້ອງຊິບໍ່ສົນ

    ແມ່ຍ່າເອີ້ຽ... ເຫຼືອໃຈເດ້... ອົກຊິເພພັງມ້າງ ຕາຽນຳລູກສາວເພິ່ນ
    ບໍ່ໄດ້ຫຍ້ຳເຂົ້າຄາຽ ບໍ່ໄດ້ຢາຽເຂົ້າປ້ອນ ມາໃຫ້ອ້ອນແອ່ວນຳ
    ຄັນວ່ານ້ຳຕ້ອງຕາດ ຄືນ້ອງຊິແກວ່ງຫຼາ
    ນ້ຳຕ້ອງພູຕ້ອງຜາ ຄືນາງຊິແກວ່ງອີ້ວ
    ລົມພັດວີວໆຕ້ອງ ຟອງຄນຶງດຶງແກ່ວງ
    ແສງຟ້າແມບມາບເຫຼື້ອມ ຄືນ້ອງຊິແກວ່ງແຂນ

    ຊາຽຢາກຕາຽເປັນແຫວນວົງນ້ອຽໆ ລອຽໄປມາໃຫ້ນ້ອງໃສ່ ເບິ່ງເດ້
    ຄັນເປັນຕາຊິໄດ້ ໃຫ້ຄອຽຖ້າຢ່າຊູ່ລືມ
    ເຈົ້າຜູ້ຟືມຊາວຫ້າ ປະສົງຫາແຕ່ໄໝຍອດ
    ດຳອອດປອດຜູ້ຈັ່ງອ້າຽ ຕາຊ້າຽໃຫ້ລ່ຳມອງ ແດ່ເນີ້.

  • ວາສນາບໍ່ແມ່ນ ໄມ້ຢືນຕົ້ນ ຄົນເຮົານັ້ນກະແມ່ນ
    ຄາດແຕ່ແຖນ ແນນແຕ່ຟ້າ ຜລານ້ອຍຄ່ອຍໄປ
    ເຣື້ອງຂອງໃຈຄົນນີ້ ບໍ່ມີແນວຂວາງເຂື່ອນ
    ດິນສເທືອນ ຟ້າສທ້ານ ຫວານຈ້ອຍຢູ່ສູ່ຄືນ

  • ວາສນາຂອງອ້າຽ ບ່າວພີ່ຊາຽຄົນບໍ່ຫຼໍ່
    ພຽງນາງຈໍ້ຕໍ່ອ້າຽ ບຸນຫຼາຽແລ້ວລະບໍ່ລືມ
    ທັງແອບຊົມທັງແອບປື້ມ ທີ່ເຈົ້າຕື່ມເຕີມຄຳຈາ
    ຍາມສາວສ່າມາຂານໄຂ ດີໃຈຈົນເພີ້
    ຈົນລະເມີເຜີເວົ້າ ຍາມກິນເຂົ້າຍັງຄິດຮ່ຳ
    ຄິດເບິ່ງດູ໋ກ້ອນຄຳ ຄິດຮ່ຳຫຼ່ຳນຳແຕ່ເຈົ້າ ຫຼົງປັ້ນຂ້າວແຫຍ້ໃສ່ດັງ

  • ວ່າຊິພໍ... ບໍ່ຂໍເວົ້າ ແມງເງົາແມງງອດ
    ທຽວມາຕອດຢູ່ເລື້ອຽ ຫາງແງ້ຜັດແຍ່ມາ

  • ຫວ່ານເຂົ້າປູກ ບໍ່ໄດ້ກ້າ ຄົນເຮັດນາບໍ່ໄດ້ເຂົ້າ ຄັນໄດ້ເຕົ່າລືມໝາ
    ໂບຮານຈາວ່າໄວ້ ຈັກຊິໃຫ້ວ່າຈັ່ງໃດ.

  • ວ່າຊິປູກດອກຊ້ອນ ຊອນດອກກະດັງງາ
    ແມ່ນວ່າມີຊາຍສົນ ຊິຍາດເອົາຈົນໄດ້.

  • ວ່າບໍ່ ມີເຄືອກ້ຽວ ສັງມາເປັນຍັບຍ່າງ
    ສອງຂອກຂ້າງ ເປັນປຸ້ມດັ່ງມົດແດງ.

  • ວ່າບໍ່ ມີເຄືອກ້ຽວ ສັງມາເປັນຍັບຍ່າງ
    ສອງຂອກຂ້າງ ເປັນປຸ້ມໝາກບວບລອຽ.

  • ວ່າບໍ່ມີຄູ່ຊ້ອນ ຫົວຢອງໆ ແມ່ນໃຜຍ່ອງ
    ວ່າບໍ່ມີຜູ່ຖ້າ ຜູ່ໃດແທ້ນັ່ງນຳ.

  • ວ່າບໍ່ມີຜົວຊ້ອນ ສັງມາເປັນລາຽຕ່າງ
    ວ່າບໍ່ມີລູກນ້ອຽ ເຊີງສິ້ນມາກ່ານລາຽ
    ຢ້ານຫຼາຽເດ້ ຢ້ານບໍ່ເປັນຄືເວົ້າ ຢ້ານແຕ່ເປັນຂອງເຂົາ
    ທຽວມາເວົ້າພໍໄດ້ມ່ວນ ທຽວມາຊວນເຮັດໃຫ້ ມະໂນອ້າຽອັ່ງຊວງ.

  • ວ່າອ້າຍເປັນເສືອເຖົ້າ ເຊົາສາຢ່າຟ້າວເຊື່ອ
    ບໍໍ່ເຄີຽກິນໝູ່ເນື້ອ ຈິງແທ້ຢ່າເຊື່ອເຂົາ
    ມີແຕ່ໄປຫາເຂົ້າ ຈຳສິນທົງພະນວດ
    ບໍ່ໄດ້ມາອວດອ້າງ ໃຫ້ນາງຢ້ານຕື່ນກົວ.

  • ວັນວາເລັ່ນທ໋າຽ
    ວັນແຫ່ງຄວາມຮັກມາຮອດແລ້ວ ຢ່າຫຼົງພາກັນໄປທຳຊົ່ວ
    ຢ່າພາກັນໝື່ນມົ້ວ ມົວເສພໝູ່ກາມ
    ຢ່າແລ່ນຕາມຝັ່ງຟ້າວ ເຣື້ອງຣາວແຟຊັ້ນໃໝ່
    ພໍ່ແມ່ໃຫ້ບໍ່ໄດ້ ໃຈເຈົ້າສິໝົ່ນໝອງ
    ວັຍໜຸ່ມເອີ້ຽ... ໃຫ້ພາກັນຈົດຈ້ອງ ຕັ້ງໃຈຮຽນຈົບກ່ອນ
    ສິສົດໃສແນ່ນອນ ບ່ອນສິໄປທາງໜ້າ ບໍ່ພາເສົ້າອີ່ຫຼີ
    ສິສຸກຂີໄປຂ້າງໜ້າ ອານາຄົດໃສທັງສົດຊື່ນ
    ຍາມກາງເວັນກາງຄືນ ມີແຕ່ສຸກອ້ອຽຕ້ອຽ ທຸກທໍ່ກ້ອຽກະບໍ່ມີ ທ່ານເອີ້ຽ..