ໝວດທີ່ຂຶ້ນຕົ້ນດ້ວຽຕົວ "ຢ"

  • ຢ່າໄດ້ ຕິຕຽນເວົ້າ ຜັກກະເດົາຂົມຂື່ນ
    ລາງເທື່ອກິນລາບກ້ອຍຍັງຊິໄດ້ອ່າວຫາ.
  • ຢ່າໄດ້ ຕິຖແລງເວົ້າ ເອົາເລົາມາປູກ
    ບໍ່ແມ່ນເຊື້ອຊາດອ້ອຍ ກິນໄດ້ກໍບໍ່ຫວານ.
  • ຢ່າໄດ້ ຕິຖແລງເວົ້າ ເອົາເລົາມາຈັກຕອກ
    ລາງເທື່ອຈັກຖືກຂໍ້ ຫຍໍ້ບໍ່ຖືກປ້ອງ ມັນຊິສ້ຽວໃສ່ມື.
  • ຢ່າໄດ້ ຕິຖແລງຫຼິ້ນ ຖແລງກິນແກງໄກ່
    ຊາດທີ່ຜູ້ໃຫຍ່ນີ້ ຫາເວົ້າກໍຫາກຄື.
  • ຢ່າໄດ້ ຕິຖແລງຫຼົ້ມ ຕົມບໍ່ມີພະລາດໝື່ນ
    ຢ່າໄດ້ຕິພະລາດລົ້ມ ເດືອນຫ້າກ່ອນຝົນ.
  • ຢ່າໄດ້ ຕິຖແລງຫຼົ້ມ ຕົມບໍ່ມີພະລາດໝື່ນ
    ເຈົ້າຜູ້ກືນນ້ຳກ້ຽງຫາເວົ້າລ່າຍຄວາມ.
  • ຢ່າໄດ້ ຖືຄົນບ້າ ຢ່າໄປຊາຄົນເສັຽເສັ້ນ ມັນຊິເປັນບ້າປ່ວງ
    ມັນຊິຂວາງວາດເວົ້າ ສີເສົ້າໝົ່ນໝອງ.
  • ຢ່າໄດ້ ທຽວທາງເວີ້ງ ເຫິງຫຼາຍມັນຊິຄ່ຳ
    ໃຫ້ຕັດບາດຟາດເຟື້ອງ ລົງບັ້ນບ່ອນຊິເອົາ.
  • ຢ່າໄດ້ ປູກດອກຊ້ອນ ຊອນດອກກະດັງງາ
    ຢ່າໄດ້ພາທີຕົວະ ຫຼອກນາງໃຫ້ເປັນຮ້າງ.
  • ຢ່າໄດ້ ຫຶງຫວງຫ້າມ ໄປມາໃຫ້ມີໝູ່
    ມີພີ່ນ້ອງ ນຳກົ້ນກໍ່ອຸ່ນໃຈ
    ໄປກັບອ້າຽ ນຳທາງຊິໄດ້ມ່ວນ
    ຮອດຮົ່ມໄມ້ ຍັງຊິໄດ້ຢອກກັນ
    ລາງເທື່ອມີໂພງເປົ້າ ມາຫາອ້າຽຊິໄລ່
    ລາງເທື່ອເສືອໂຄ່ງຂ້ຽວ ມາໃກ້ຊິໄລ່ໜີ.
  • ຢ່າໄປມົວເມົາໄຫ້ ເສັຽໃຈຍ້ອນເຂົາຈາກ
    ບໍ່ອຶດຢາກດອກເບື້ອງ ປະສາເຣື້ອງແມ່ນຜູ່ຍິງ
    ເຂົາບໍ່ຈິງພຽງລໍ້ ມາຕໍແຫຼຕ້ອຽຕອດ
    ຄຳຫວານຢອດຢອກເຫຼັ້ນ ຕົວະໃຫ້ເຕັ້ນໃສ່ລົມ
    ຕັດຫົວໃຈຈາກມົ້ມ ຫາເອົາໃໝ່ເຊົາໄລໝາງ
    ໄປຄົນທາງວາງໜີ ຫາຜູ່ດີກະຍັງໄດ້
    ປະຄອງໃຈທົນສູ້ ປູທາງຖາງກົ່ນ
    ອີກບໍ່ດົນຫາກສິມົ້ມ ຣະທົມເອົ້າອັ່ງທວງ ນັ້ນແລ້ວ
  • ຢ່າໃຫ້ ເສັຽແຮງອ້າຽ ເດີນທາງຫີວຫອດ
    ຄືດັ່ງມ້າຢາກນ້ຳ ເດືອນຫ້າຫອດຫີວ
    ຫາກບໍ່ກູນາອ້າຽ ເຫັນສິຕາຽມ້ອຽຣະແມ່ງ
    ເຫັນສິຕາຽຫອດແຫ້ງ ຫີວນ້ຳຫອດແຮງ.
  • ຢ່າຕົວະໃຫ້ຫາບນ້ຳ ຮົດໂຄກເກັບເຫັດຂາຍ
    ຕົວະໃຫ້ພາຍເຮືອນຳ ນົກບິນເທິງຟ້າ.
  • ຢ່າຊູໄປຊີມຖ້ອນ ແນວໝາກນາວຫຼືສົ້ມໂອ່
    ມັນຫາກສົ້ມທຸກຕົ້ນ ຢ່າໄປໝົ້ນ ຊິຢຽບໜາມ.
  • ຢ່າຊູ ມາລໍ້ແລ້ ຮັງແຕນມັນຊິໄລ່
    ຢ່າໄດ້ເອົາໄມ້ແສ້ ມາລໍ້ແຍ່ແຕນ.
  • ຢ່າຊູ ມາລວງລໍ້ ໃຫ້ຄຶດຕໍ່ນຳຫຼາຽ
    ຢ່າສິມາຕົວະຊາຽ ໃຫ້ຄຶດນຳແລງເຊົ້າ ຫຼາຽເຖາະ.
  • ຢ່າຊູ ຟ້າວໃຈຮ້ອນ ກິນກ່ອນບໍ່ທັນສຸກ
    ມັນສິພາເຮົາທຸກ ນ້ຳຕານາງສິລິນຍ້ອຽ
    ໃຫ້ຄ່ອຽພຽນຮຽນໄວ້ ການສຶກສາໃຫ້ຈົບກ່ອນ
    ຢ່າຊູຟ້າວເຮັ່ງຮ້ອນ ເອົາຜົວຊ້ອນກ່ອນວັຍ
    ການມີຄູ່ບໍ່ເຄີຽຫຼ້າ ບໍ່ທັນເຖິງເວລາ ໃຈເຈົ້າຢ່າຟ້າວດ່ວນ
    ອານາຄົດເຈົ້າສິມ້ວນ ມືດມົນແທ້ແກ້ບໍ່ທັນ ແທ້ແລ້ວ
  • ຢ່າຕົວະ ໃຫ້ແລ່ນລີ້ ຜີບໍ່ມີອ້າຽຢ່າວ່າ
    ຕົວະໃຫ້ເຂົ້າປ່າບົກ ຕົວະໃຫ້ຫຼົກປ່າຫຽ້າ ຫຍຸມໄວ້ຜັດບໍ່ເອົາ
  • ຢ່າຟ້າວໄປເດີ້ອ້າຽ ເປັນພີ່ຊາຽໃຫ້ນ້ອງແນ່
    ແປໃຫ້ເຫັນກະຈ່າງແຈ້ງ ສແດງໃຫ້ຊູ່ຟັງ
    ວ່າເປັນຫຍັງ ເຂົາຈຶ່ງບຸປ່າພ້າວ ສາວປ່າອ້ອຽ ມາເຝົ້າຄອຽແຕ່ນ້ອງອຸ່ນ
    ຈັກແມ່ນບຸນຫຼືກັມ ນ້ອງທຳໃຈບໍ່ໄດ້ ອາຽເວົ້າວ່າບໍ່ເປັນ
    ເຫັນທຽວມາສູ່ມື້ ເຮັດຊົງຄືເປັນບ່າວໃໝ່
    ເຮັດໃຫ້ໃຈອ່ອນນ້ອຽ ສະຫວອຽລົ້ມຍ່າງບໍ່ໄຫວ.
  • ຢ່າມາ ຕິຖແລງເຕັ້ນ ເຫັນງູສາວ່າງູເຫົ່າ
    ເຫັນງູເພົາວ່າອ່ຽນນ້ອຽ ເຂົາຊິປ້ອຽໃຫ້ຮ່າລົງ
    ໃຈປະສົງຢາກກິນຕົ້ມ ມາຄືຂົມເປັນແກງອ່ອມ
    ວ່າຊິທາແປ້ງຫອມ ກັບກາຽເປັນຂີ້ໝື້ ໂອ້ຽດຳປື້ປວດຫົວ
    ຢ້ານແຕ່ຕົວະລົມລໍ້ ໃຜເດ້ນໍທີ່ຄິດຕໍ່
    ທຽວມາຕົວະຫຼອກລໍ້ ພໍຢາກມ້ວຽປ່ວຽໃຈ
    ຈັກຢູ່ໃສເນາະນ້ອງ ເຮືອນຊານກ້ານກ່ອງ
    ຕົວະອ້າຽນອນຫຼ໋ອງຫງ້ອງ ຟັງຟ້າຜ່າລົງ.
  • ຢ່າມາ ຕິຖແລງເວົ້າ ເອົາເລົາມາຈັກຕອກ
    ເຫຼົາບໍ່ຖືກຂໍ້ ງໍບໍ່ຖືກປ້ອງ ມັນຊິສ້ຽວໃສ່ມື.
  • ຢ່າມາ ຕິຖແລງເວົ້າ ເອົາເລົາມາປູກ
    ບໍ່ແມ່ນເຊື້ອຊາດອ້ອຍ ກິນໄດ້ກໍ່ບໍ່ຫວານ
    ແນວນ້ຳຕານຮອງໃຕ້ ເຄືອເຂົາຮໍທາງລຸ່ມ
    ຢ້ານແຕ່ຫວານປາກໝໍ້ ພໍລໍ້ໃຫ້ມົດຕາຍ.
  • ຢ່າມາ ຕິຖແລງຕ້ານ ນ້ຳຕານຢອດໃສ່
    ໃຫ້ໃຈຊາຍເອ່ນເນີ້ງ ສເມີພ້າວຕ່ອງລົມ
    ຢ້ານແຕ່ສົ້ມຈ້ອຍໆ ສເມີນາວຫວານເຫວີ່
    ມາສເນີຫຼອກຕົ້ມ ຄາຣົມເວົ້າເປົ່າດາຍ.
  • ຢ່າມາ ຕິຖແລງລົ້ມ ຕົມບໍ່ມີພະລາດໝື່ນ
    ຢ່າມາຕິພະລາດກິ້ງ ເດືອນຫ້າກ່ອນຝົນ.
  • ຢ່າມາ ຕິຖແລງລົ້ມ ຕົມບໍ່ມີພະລາດໝື່ນ
    ຢ່າມາຕິພະລາດກິ້ງ ຂຶງໄວ້ກະບໍ່ຟັງ
  • ຢ່າມາ ຕິຖແລງຫຼົ້ມ ໃຫ້ຕົກຕົມພະລາດໝື່ນ
    ຢ່າມາຕົວະຄະລາດລື້ນ ເດືອນຫົກກ່ອນຟ້າ ເດືອນຫ້າກ່ອນຝົນ
    ຢ່າມາຕິຖແລງປີ້ນ ຄັນແທອ້າຽບໍ່ແວ່
    ຢ່າມາຕົວະແຍ່ແຍ້ ແປວແທ້ອັ້ນບໍ່ທັນ
  • ຢ່າມາ ຫວານປ່ອງແປ້ນ ໃຫ້ສາຽແນນອ້າຽຕົກຫຼ່າງ
    ຢ່າມາຫວານປາກສ້າງ ພໍລໍ້ໃຫ້ຄຸຈົມ.
  • ຢາກເຫັນເດ້ ຢາກເຫັນໜ້າ ວາຈາຄືຊິມ່ວນ
    ໜ້ານວນໆອິ່ມລິ້ມ ໄປທຽວຍິ້ມໃສ່ຜູ່ໃດ
    ຄັນແມ່ນຢູ່ໃກ້ໆ ຊິທຽວຫາທຸກເຊົ້າຄ່ຳ
    ແມ່ນປ່າໜາມຢູ່ໜ້າ ອ້າຽຊິກ້າຍ່ຳໄປ
    ນີ້ຢູ່ໄກກັນຮ້າຽ ເໝີດປັນຍາຊິທຽວທ່ອງ
    ໄດ້ແຕ່ຮ້ອງຝາກຟ້າ ຫາຫຼ້າຢູ່ໄກ
  • ຢາກແລ່ນນຳສາວສ່ຳນ້ອຍ ພໍນຳຮອຍທ່ານຜູ້ໃຫຍ່
    ເປັນຈັ່ງໃດນໍ້ນ້ອງຫຼ້າ ຢາກຈາເວົ້າເຂົ້ານັ່ງນຳ
    ເວົ້ານຳຊຸມຄາງວ້ຳ ຊິເປັນກັມເດີ້ອ້າຽວ່າ
    ວາສນາຢາກຂີ່ຊ້າງ ຢ້ານເປັນຮ້າງຫວ່າງບໍ່ຍືນ.
  • ຢາກໃຫ້ຄືບ່ອນບັ້ນ ຢາກຮັກກັນຄືຄາວກ່ອນ
    ຍາມຍາກເຢັນເຮັ່ງຮ້ອນ ໃຈຂ້ອນຫ່ວງຫາ.
  • ຢາກຖາມ ຫົວໃຈອ້າຍ ຢາກຖາມຊາຍໃຫ້ຄັກແນ່
    ບອກໃຫ້ຮູ້ແທ້ໆ ໃຈອ້າຍຄິດຈັ່ງໃດ
    ຫຼືອ້າຍຈິງໃຈໃຫ້ ຫຼືຕົວະໄປພໍໃຫ້ມ່ວນ
    ອອກຈາກໃຈລ້ວນໆ ໃຫ້ຊວນນ້ອງຊື່ນໃຈ.
  • ຢາກຖອດໃຈໃຫ້ມັນພົ້ນ ອອກຈາກຄົນຜູ້ບໍ່ແນ່
    ແຕ່ກະລືມບໍ່ໄດ້ ຄົນທີ່ໄດ້ບໍ່ແມ່ນເຮົາ
    ໝົດເລີຽຄຳສິເອີ່ຽເວົ້າ ຫົວອົກເຮົາມັນປີ້ປົ່ນ
    ນ້ຳຕາລົງສູ່ມື້ ແສນເສົ້າຢູ່ສູ່ເວັນ
  • ຢ້ານເດ້...ຢ້ານນ້ອງຕິຖແຫຼງເຕີ້ຍ ເຮັດຄືເກີຍເຮືອນຕໍ່
    ເຮັດຄືຕູບຕໍ່ເລົ້າ ຖແຫຼງເວົ້າຈັ່ງແມ່ນຄື
    ຄົນຊື່ໆຄືຈັ່ງອ້າຍ ຄົງຕາຍໃຈຄໍານ້ອງວ່າ
    ຕື່ນຂຶ້ນມາແຕ່ລະເຊົ້າ ຢ້ານກີນເຂົ້າຮອດບໍ່ລົງ ເດ່ນໍ່
  • ຢ້ານເດ້...ຢ້ານນ້ອງຕິຖແຫຼງເວົ້າ ເອົາເລົາມາຈັກຕອກ
    ຫຼອກໃຫ້ອ້າຍຮັກແລ້ວ ອວນແກ້ວພັດຫ່າງລາ
    ປ່ອຍໃຫ້ອ້າຍຄອຍຖ້າ ຫຼາຍພັນສາຄິດໂອ້ອ່າວ
    ຢ້ານແຕ່ເຈັບປວດລ້າວ ເພາະສາວເຈົ້າເວົ້າບໍ່ຈິງ ນາງເອີຍ
  • ຢ້ານເດ້...ຢ້ານນ້ອງຕິຖແຫຼງຫລົ້ມ ຕົມບໍ່ມີພລາດມື່ນ
    ຫຼອກອ້າຍຊື່ນໃຈແລ້ວ ນ້ອງແກ້ວພັດພ່າຍໜີ
    ແສນເຕັມທີແລ້ວຕົວອ້າຍ ນອນມືຫງາຍໃຈຫ້ວາເວ່
    ຢ້ານຫຼາຍເດ່ຄິດຮອດຕັ້ງແຕ່ເຈົ້າ ສາມມື້ເຂົ້າບໍ່ກິນ ນາງເອີຍ
  • ຢ້ານແຕ່
    ເຄືອບໍ່ສົມຝ້າຽ ຢ້ານແຕ່ຊາຽມາຕົວະເປົ່າ
    ນາງຢ້ານທາງຝ່າຽເຈົ້າ ມາເວົ້າແລ້ວບໍ່ເອົາ
    ຢ້ານແຕ່ ທາງຝ່າຽເຈົ້າ ຕົວະງູເພົາສູ້ງູເຫົ່າ
    ຢ້ານແຕ່ ທາງຝ່າຽເຈົ້າ ຕົວະກິນເຂົ້າບ່າຽນ້ຳຕາ ເດ້ນໍ
  • ຢ້ານແຕ່
    ຄີງບໍ່ສົມເສື້ອ ເຮືອພາຽບໍ່ສົມທ່າ
    ຕົວະໃຫ້ມ່າເຂົ້າໄວ້ ໄທບ້ານເພິ່ນບໍ່ມາ
  • ຢ້ານແຕ່
    ສະບວກຄ້ອນ ກຸ້ງຊີວ ເຂັງນາງ ກັ້ງກ່າ
    ນົກກາສາເຈົ່າຕັ້ງ ສິລົງຈ້ອງຈອບກີນ
    ຢ້ານແຕ່ເສັຽແຮງສ້າງ ເຮືອນຫໍຫຼັງໃຫຍ່
    ເງິນຄ່າດອງຫາເຮັດໄວ້ ຢ້ານຖີ້ມໄວ້ໃຫ້ປວກກີນ
  • ຢ້ານແຕ່
    ທາງໂຕນ້ອງ ຫວານຄາຣົມໃຫ້ມົດໄຕ່
    ຕົວະໃຫ້ຈົກໂງ່ນໄມ້ ໂກນໄມ້ສິພໍ້ງູ
  • ຢ້ານແຕ່
    ທາງໂຕອ້າຽ ຕົວະຫວ້ານໄຟໃສ່ກໍຂ່າ
    ຕົວະລີງມາຫາແຂ້ ຕົວະແບ້ແລ່ນໃສ່ເສືອ
  • ຢ້ານແຕ່...
    ທາງຝ່າຽເຈົ້າ ຕົວະເອົາເລົາເປັນຕອກອ່ອນ
    ຕົວະນາງຕິດອ້ອນຕ້ອນ ບໍ່ສົນຊ້ອນອ່ອນນາງ
    ຢ້ານແຕ່ທາງຝ່າຽອ້າຽ ຕ່ຳໄໝຜັດມາເປັນຝ້າຽອ່ອນ
    ຜ້າບໍ່ລາຽ ໄໝຜັດມີໝີ່ຊ້ອນ ສວຽບໍ່ສ້ອນໃສ່ຟືມ
  • ຢ້ານແຕ່
    ທາງຝ່າຽນ້ອງ ວ່າເປັນທອງ ຢ້ານແຕ່ເປັນທອງປົນກົ່ວ ນີ້ແລ້ວ
    ວ່າເປັນໄມ້ຂະຍຸງແລ້ວ ແມວອີງຜັດສິໂຄ່ນ
    ວ່າເປັນຕໍແກ່ນຫຼ້ອນ ສິແທງປີ້ນປົ່ງໃບ
    ວ່າແຕ່ໃສຄືຈັ່ງນ້ຳ ໃສງາມເປັນຕາດື່ມ
    ບົກບວກຊ້ອນ ຕະກອນກົ້ນຂຸ່ນຂາວ
  • ຢ້ານແຕ່
    ທາງຝ່າຽອ້າຽ ໄຊຫຼີ່ຫວີງແຫ
    ແລເລາະທຽວທາງເດີນ ດັກເວີນຊຽງຊ້ອນ
    ໜອງນ້ຳຂ້າມ ຫວີງມອງລົງຫວ່ຽງ
    ສຽງເບັດບັ້ງ ຂັງຂ້ອງ...ປາຄໍ່ຄຳ
  • ຢ້ານແຕ່...
    ທາງມັຈສາຜ້າຽ ກາຽໜີນ້ຳບວກຮ່ອງ
    ເປັນໜອງນ້ຳນ້ອຽໆ ປານັ້ນສິຫຼີກໜີ
    ບໍ່ຄືຂອງນະທີນ້ຳ ວັງຫຼວງກວ້າງໃຫຽ່
    ສນຸກແຕ່ວາງໄຂ່ ທາງໃນໄດ້ດີດບ້ອນ ບໍ່ມີມື້ຖ່າວຕາຽ
    ປຽບດັ່ງຍິງຫາຄູ່ຊ້ອນ ນອນຮ່ວມຮຽງສອງ
    ຮ່ອນສິມອງແລຫຼຽວ ຜູ່ທຸກຈົນຄົນໄຮ້
    ຄືຈັ່ງໄມ້ໃຫຽ່ຄຸ້ມ ຝູງຄະນາອາສັຍຢູ່
    ບວກນ້ຳນ້ອຽ ປາສິຊົ້ນຢູ່ຈັ່ງໃດ
  • ຢ້ານແຕ່ນາບໍ່ສົມນ້ຳ
    ຢ້ານແຕ່ຊາມບໍ່ສົມປົ່ນ
    ຢ້ານແຕ່ຄົນຜູ້ເວົ້າ ບໍ່ສົມເຈົ້າຜູ່ຟັງ
    ຢ້ານແຕ່ເຮືອບໍ່ເກິ່ງຕັ້ງ
    ຢ້ານແຕ່ຄັ່ງບໍ່ສົມໄໝ
    ຢ້ານແຕ່ໄຟບໍ່ສົມຟືນ
    ຢ້ານແຕ່ປືນບໍ່ສົມໝື້
    ຢ້ານແຕ່ມືບໍ່ສົມຟ້ອນ
    ຢ້ານແຕ່ໝອນບໍ່ສົມສາດ ພີ່ນ້ອງເອີ້ຽ
    ຢ້ານຫຼາຽເດ້... ຢ້ານແຕ່ຄາດລາດລົ້ມ ລົງຫ້ວຽສິປ່ວຽການ ຊັ້ນກະເດະ
  • ຢ້ານແຕ່
    ນາງລືມອ້າຽ ໜີໄປບໍ່ຫັນເບິ່ງ
    ຣໍຖ້າເຫິງເບິ່ງຟ້າ ນາງນ້ອງບໍ່ຄຶດນຳ
    ຫຼອກຖະລຳຕຳໃຈຕ້ອງ ພໍໃຫ້ຊາຽໄດ້ຄິດຕໍ່
    ຫຼາຽພ.ສ.ລ່ວງລ້ຳ ແນວນີ້ສິວ່າໃດ
  • ຢ້ານແຕ່
    ນົງນາງນ້ອງ ມີສອງບໍ່ເຄີຽຫ່າງ
    ຫຼອກໃຫ້ຍ່າງເຂົ້າໃກ້ ປະຖີ້ມປ່ອຽໜີ
    ຈາກຄືນວັນຫຼາຽມື້ ຢ້ານບໍ່ຄືຄວາມເວົ້າກ່ອນ
    ຫຍອກແລ້ວບໍ່ໄດ້ຊ້ອນ ຕົວະອ້າຽໃຫ້ອ່ອນໃຈ
  • ຢ້ານແຕ່
    ຜັກອີ່ຕູ່ເຕັ້ຽ ຕົ້ນຕ່ຳໃບດົກ
    ກົກບໍ່ທັນຝັງແໜ້ນ ຜັດມາຈີຈູມດອກ
    ຮາກບໍ່ທັນຍັ່ງພື້ນ ສັງມາປີ້ນປົ່ງໃບ
  • ຢ້ານທາງໃນເປັນສີແຫຼ້ ຢ້ານມາແວແລ້ວບໍ່ແວ່
    ຢ້ານມາຕົວະນາງເປັນຢາແກ້ ຮາກແຕ້ຫຍ້າໄຊ
  • ຢ້ານແຕ່
    ຮວງ ບໍ່ສົມອ້າຽ ໃບເຂົ້າລາຽອ້າຽບໍ່ເບິ່ງ
    ປູກເຫິງດົນ ໂພນເຫິງນ້ຳ ຮາກນ້ອຽບໍ່ຍັ່ງດີນ
  • ຢ້ານແຕ່ ໃຈນ້ອງນັ້ນ ຈິດດຽວມີຫຼາຍໄສ້ ໃຈດຽວມີຫຼາຍປ່ອງ
    ຈິດນຶ່ງເປັນເຫຼື່ອງຫຼ້າງ ຄືນ້ຳຢູ່ປາງ.
  • ຢ້ານແຕ່ ໃຈນ້ອງນັ້ນ ຈິດດຽວມີຫຼາຍໄສ້ ໃຈດຽວມີຫຼາຍປ່ອງ
    ຢ້ານແຕ່ນ້ອງມ່ອມຫຼ້າ ຫາເວົ້າລ່າຍພະອວນ.
  • ຢ້ານແຕ່ໄຫຼນຳນ້ຳ ກະແສສິນລິນຢາດ
    ຢ້ານແຕ່ຄາດລາດລົ້ມ ໄຫຼຫຼົ້ມລ່ວງນະທີ
    ຫຼົງວາຈີອາຣີຕ້ານ ຂານຄຳເຈົ້າເອື້ອນເອີ່ຍ
    ຕິຖະເລີຍຫຼອກລໍ້ ລວງເຫຼັ້ນແລ້ວເລົ່າລືມ
    ເຈົ້າຜູ້ຟືມຊາວຫ້າ ຄນິງຫາຕັ້ງແຕ່ກີ່
    ໄມ້ກ່ຳພັ້ນພໍສ່ຳນີ້ ບໍ່ສົມພື້ນແຜ່ນຜືນ
    ທັງໄໝຍືນໄໝສ້ອຍ ບໍ່ສົມຮອຍບາດຊິຕ່ຳ
    ແນວຜູ້ເພິ່ນໄໝຄຳ ມືຊິກຳສອດສ້ວຍ ກະສວຍຊ້ວນຫາກບໍ່ຄື ແທ້ແລ້ວ.
  • ຢ້ານແຕ່ ຕິຖແລງລີ້ນ ຝົນຕົກລິນພລາດໝື່ນ
    ຢ້ານແຕ່ມາພລາດລົ້ມເດືອນຫ້າກ່ອນຝົນ.
  • ຢ້ານແຕ່ຕິຖແລງຫຼົ້ມ ແນວຕົມມີຫາກບໍ່ໜື່ນ
    ແສນຊິດິນປຽກຈື້ນ ຢ້ານໂຕເຈົ້າບໍ່ໝື່ນຕາມ
  • ຢ້ານແຕ່ຕົວະຕາງເຫຼັ້ນ ເຫັນຫຼາຍໄດ້ພໍ້ໃໝ່
    ຢ້ານຕົກໄກແກ່ວກວ້າງ ລວງອ້າຍໜ່າຍສະອາງ
    ແນວສັດຈັງຜູ້ຍິງນີ້ ເຫັນດີແລ້ວລືມເກົ່າ
    ບາດໄດ້ເຕົ່າເທື່ອໜ້າ ໝານັ້ນເພິ່ນບໍ່ຫຼຽວ.
  • ຢ້ານແຕ່ ປາດຸກບ້ອນ ວັງບອນບໍ່ແມ່ນບ່ອນ
    ຢ້ານແຕ່ປາຈາດບ້ອນ ກິນນ້ຳບໍ່ແມ່ນວັງ.
  • ຢ້ານແຕ່ ປ່າຫຍ້າແປກ ບໍ່ເກີ່ງປ່າຫຍ້າຄວາຍ
    ຢ້ານແຕ່ປ່າຫຍ້າຫວາຍ ບໍ່ພຽງຫຍ້າອ້ອຍ.
  • ຢ້ານຄືນາໃຮ່ໂຫຼ້ງ ຝົນຕົກລົງນ້ຳບໍ່ຢູ່
    ຄຶດຕໍ່ເຈົ້າຜູ້ຮູ້ ຄຶດຕໍ່ຊູ້ຜູ້ນີ້ ພໍຊິໄດ້ຢູ່ບໍ່ນໍ.
  • ຢ້ານບໍ່
    ຈິງໃຈແທ້ ຢ້ານແຕ່ແຜລືມຢາໃສ່
    ຢ້ານແຕ່ ກົກລືມປາຽ ຢ້ານແຕ່ຊາຽລືມຊູ້ ໃຫ້ນອນຄູ້ຂົ່ມໜາວ
    ຢ້ານແຕ່ ຮາວມາລືມຜ້າ ຢ້ານຖຽງນາລືມໂພນຂ່ອຽ
    ຢ້ານອ້າຽຕົວະຕ່ອງຕ້ອຽ ບາດຄອຽແລ້ວສິເຫຼົ່າຂົມ
  • ຢ້ານບໍ່
    ຈິງຄືຈັ່ງເວົ້າ ຢ້ານບໍ່ເອົາຄືຈັ່ງວ່າ
    ຢ້ານມາຕົວະຫວ່ານກ້າ ໂພນກ້ຽງນ້ຳບໍ່ມີ
  • ຢ້ານມາຕິຖແລງເວົ້າ ເຂົາງົວຕົວະເປັນງ່ຽງ
    ຢ້ານອ້າຽອັກເຊື່ອງຊ້ອນ ຄົນນອນຮ້ວມສ້ວມຄຳ
  • ຢ້ານບໍ່
    ຈິງຄືຈັ່ງເວົ້າ ຢ້ານບໍ່ເອົາຄືຈັ່ງວ່າ
    ຢ້ານຄືຕອກມັດກ້າ ດຳນາແລ້ວຢຽບໃສ່ຕົມ.
  • ຢ້ານຫຼາຽເດ໊
    ຢ້ານເປັນ ຄືເປັດນ້ອຽ ຢາກນອນຄອນຊ້ອນນຳໄກ່
    ຕີນເປີ່ມເປີະຕີນເປີ່ມເປີ້ ປີນຂື້ນສິໝື່ນລົງ ນັ້ນແລ້ວ
  • ຢ້ານຫຼາຽເດ້...
    ຢ້ານແຕ່ ກະບວຽບໍ່ມີດ້າມ ສິເສັຽຊົງທາງວາທ
    ເຂົາສິເອີ້ນ ກະໂປະໝາກພ້າວ ບໍ່ມີເອີ້ນວ່າກະບວຽ
    ຊາຕາຊວຽ ຄາດສິແຫ້ງ ຝົນຕົກລິນກະບໍ່ສຸ່ມ
    ຊາຕາຄາດສິແລ້ງ ແສນສິຖ້ວມກະໄຫງ່ຜົງ
    ຢ້ານແຕ່ນາງປູກຜັກແປ້ນ ແທນໜານຜັກບົ່ວ
    ຂອງເກົ່າຍັງບໍ່ກູ້ ສັງສິປູກໃໝ່ແທນ
    ຢ້ານຫຼາຽເດ້... ຢ້ານແຕ່ເຈງເລງນ້ຳ ທາວຫາບໍ່ເຫັນຕ່ອນ
    ຊົດແຕ່ນ້ຳ ຄາແຂ້ວສະແມ່ງຕາຽ
  • ຢ້ານຫຼາຽເດ໊...
    ຢ້ານແຕ່ ຊາຕເພິ່ນເປັນຊາຕໂພ ຊາຕໂຕເປັນຊາຕພ້າວ
    ເດ້ນໍສິຈັບຈ່ອງນ້າວ ດືງພ້າວເຂົ້າໃສ່ໂພ
    ຢ້ານແຕ່ ເຫຼັກຂີ້ໝ້ຽງ ຢາກນອນຮຽງ "ສແຕນເຫຼດ"
    ຜີເຜດ ກັບນາງຟ້າ ຫຽັງຫຼ້າຫ່ອນສິສົມ
  • ຢ້ານຫຼາຍເດ້
    ຢ້ານແຕ່ ອ້າຍເວົ້າກ້ຽວ ທຽວທາງໃຫ້ນ້ອງຫ່ວງ
    ຢ້ານແຕ່ດວງດອກຊ້ອນ ມີແລ້ວຜູ້ຢູ່ນຳ
    ຢ້ານແຕ່ທາງຝ່າຍກ້ຳ ນຳກ່ອມໃຫ້ນາງຫຼົງ
    ປົງຈິດໃຈນຳຊາຍ ແລ້ວໜ່າຍລາແຮມຮ້າງ
    ຢ້ານແຕ່ບຸນຜລາສ້າງ ບຸນອີ່ນາງບໍ່ສົມພີ່
    ຢ້ານຜູ້ພໍສ່ຳນີ້ ບໍ່ສົມເຈົ້າຜູ້ຍົດສູງ.
  • ຢ້ານຫຼາຍເດ້
    ຢ້ານບໍ່ຈິງຈັງເວົ້າ ຢ້ານບໍ່ເອົາຄືຈັ່ງວ່າ
    ຄຶືດັ່ງຕອກມັດກ້າ ນາແລ້ວຢຽບໃສ່ຕົມ.
  • ຢ້ານຫຼາຽເດ້...
    ຢ້ານໝາກພ້າວ ສິມາເປີດໜ່າຽຕົ້ນ ແລ້ວປະຫຼົ່ນລົງດິນ
    ຜັກຕ່ຳນິນສິຊັງຮາວ ຖ່າວໂຕນລົງຮົ້ວ
    ຜັກຄູລົວ ລືມນາໂຄກ ໂຕນລົງໜອງນ້ຳໃຫຽ່
    ເປັນຈັ່ງໃດນົງໃຍ ຄືຈັ່ງຊັງຝ່າຽອ້າຽ ໝາຽມາແລ້ວກະບໍ່ເຫັນ
  • ຢູ່ໃນນ້ຳມີປາ ຢູ່ໃນນາມີເຂົ້າ ຍາມໜາວມີໝອກຫຼົ່ນ
    ຄົນຮັກເນົານັ່ງໃກ້ ໃຈອ້າຍຊື່ນບານ.
  • ຢູ່ຄົນດຽວໄປຈົນເຖົ້າ ເຊົາສາຢ່າຟ້າວວ່າ
    ເຂົາຊິເອີ້ນແມ່ປ້າ ຄາງວ້ຳຫຽ້ຳໝາກແດງ
    ຍາມແລງ ຄັນເຈົບໄຂ້ ໃຜເດ້ນໍຊິມາເບິ່ງ
    ໄດ້ແຕ່ເນີ້ງຂ້າງນັ້ນ ໄດ້ແຕ່ຫັນຂ້າງນີ້ ຊິມືຊີ້ໃສ່ຜູ່ໃດ.
  • ຢູ່ບ້ານໃດນ້ອງຫຼ້າ ຄົນສວຽບອກອ້າຽແນ່
    ແມ່ນວ່າ ໄກຫຼືໃກ້ ປະມານໄດ້ກີ່ວາ.