ໝວດທີ່ຂຶ້ນຕົ້ນດ້ວຽຕົວ "ມ"

  • ມາເຫັນນ້ຳ ວັງໃສຄຶດຢາກອາບ
    ຢ້ານແຕ່ເງືອກນັ່ງເຝົ້າ ໃນນ້ຳສ່ອງບໍ່ເຫັນ.
  • ມາຄືນັ່ງອ້ຳລ້ຳ ປານໝໍທັມຊິໄລ່ປອບ
    ຜ້າຂາວມ້າບ່ຽງບ້າຽ ຊິບາຽແສ້ໃສ່ຫຼັງ
    ເປັນຕາຂັງມົນເຈົ້າ ຂໍຮຽນເອົາອົມອ່ານ
    ພໍໃຫ້ຊາວໝູ່ບ້ານ ອາສັຍໄດ້ເພິ່ງພາ.
  • ມາຊ່າງເປັນ ມາພົບເຫັນນາງຟ້າ ລົງດິນມາໃຫ້ຄົນເບິ່ງ
    ຄົນເໝີດເມືອງຢາກເຫັນ ຊາຽຂໍເປັນດອກຫຽ້າ ເພື່ອນາງຟ້າສິລ່ຳມອງ
    ຊາຽຂໍລອງຖາມເຈົ້າ ເວົ້າວ່າມີຫົວໃຈ
    ທາງໃນຈັກດວງດອກ ຫຼາຽຄົນຢອກຄົນຊ່າ ວ່າຄົນງາມເດັ່ນນັ້ນ ໃຈເພິ່ນຫັ້ນມີມາກມາຽ
  • ມາຊ່່າງຫຼອຽມາເຍື້ອນ ຮອດເຮືອນແລ້ວໜີຈາກ
    ຫຼືນ້ອງຍາກວຽກບ້ານ ການສ້າງວ່າງເຮືອນ
    ວ່າຊິອອດເອີ່ຽເອື້ອນ ເຮິງຮ່ຳຄຳຜຍາ
    ນາງຜັນມາໄລປະ ເປົ່າແປນແສນໂອ້
    ຄືຈັ່ງໂອໄກນ້ຳ ຂັນຊາມໄກແອ່ງ
    ເລີຽບໍ່ສົມມາດແມ້ງ ໃຫ້ຊາຽແລ້ງເປົ່າດາຽ.
  • ມາຊ່າງເປັນເຫຼືອຮ້າຽ ຫົວໃຈໂອ້ອ່າວ
    ປານຕົ້ນໄມ້ໄຮ້ເງົາ ບໍ່ບັນເທົາຄວາມຄິດຮອດ ແຂນສອດເຂົ້າສູ່ໃຈ
    ແມ່ນມື້ໃດ ວັນໃດ ໃຈກະບໍ່ເຄີຽວ້າງ ຄິດຮອດນາງບໍ່ຮູ້ເບື່ອ
    ຄິດຮອດຫຼາຽເອົາເຫຼືອ ແຮ່ງແຕ່ເຟືອແຝ່ງຝັ້ນ ແຕ່ໃຈນັ້ນຜັດບໍ່ຝືນ
    ຍິນຍອມຢືນໃຫ້ພັນກ້ຽວ ເກາະກ່ຽວກຸມໃຈ
    ສລັດໄປບໍ່ມີຫຼຸດ ຊຸດໄປບໍ່ມີລອດ
    ກອດໃຫ້ແໜ້ນອີ້ງຕີ້ງ ເຊືອກລ່າມລີງກະບໍ່ທໍ່ ຄິດຮອດຫຼາຽ...ເດ້ນໍ... ຂໍຂານຄວາມຜ່ານຟ້າ ປະສາອ້າຽຜູ່ຄິດເຖິງ.
  • ມາຊ່ວຽເຕີມເສີມແຕ້ມ ມາຊ່ອຽແຈມຄວາມວາດ
    ຈັ່ງນັກປຣາດເຮັດໄວ້ ໃຫ້ເຮົາໄດ້ອ່ານເຫັນ
    ຄວາມຈຳເປັນໄດ໋ເຈົ້າ ຊຸມເຮົາຈັ່ງໄດ້ຫ່າງ
    ບໍ່ມາຊ່ອຽສືບສ້າງ ໄລຮ້າງອອກຫ່າງໜີ
    ປະເພນີຮີດເຄົ້າ ຂອງເກົ່າຜັດລືມຫຼົງ
    ບໍ່ດົນຄົງຫ່າງຫາຽ ເໝີດລາຽສລາຽແທ້
    ມາຖະແມ້... ມາຊ່ອຽຍູ້ ມາຊ່ອຽຊູອີກສັກເທື່ອ
    ຢ່າຟ້າວເບືອເບື່ອນໜ້າ ປະໄວ້ລ່າຍລືມ.
  • ມາອິດູຕົນເດ້ ຢາກທຽມຫົງຕະກຸນໃຫຍ່
    ແຕ່ວ່າ ກາຈັ່ງຂ້ອຽ ມັນແສນດ້ອຽຕ່ຳສກຸລ.
  • ມາອິດູຕົນຂ້ອຽ ຫັກໃຈຫ້າມບໍ່ຢູ່
    ປາກຂ້ອຽວ່າບໍ່ຮັກເຈົ້າ ແຕ່ໃຈຂ້ອຽບໍ່ຫ່າງໜີ.
  • ມາອິດູຕົນໜູເດ້ ຢາກກິນນົມແມວມ່າວ
    ສັຕຕູກັນແທ້ໆ ຊິກິນໄດ້ຈັ່ງໃດ.
  • ໝາກກະເລົາບໍ່ຫຸ້ມກົ້ນ ໂພນບໍ່ຍ່າງເໝືອນໜູ
    ພູບໍ່ເປັນດິນພຽງ ພີ່ບໍ່ລືມພະນາງໄດ້
    ໄໝບໍ່ກາຽເປັນຝ້າຽ ຄັນບໍ່ຕາຍ ບໍ່ວາງນ້ອງໃຫ້ເປັນອຶື່ນ
    ເຖິງກາງຄືນ ພີ່ຊິເຂົ້າຢູ່ຊ້ອນ ບໍ່ໄລຮ້າງຫ່າງພະນາງ.
  • ມີເຮືອນ ບໍ່ມີຝາແອ້ມ ລົມມາ ສິໜາວໜ່ວງ
    ຍາມໜາວ ບໍ່ມີຜ້າຕຸ້ມ ສິໄປເອົ້າ ອຸ່ນບ່ອນໃດ
    ມີເຮືອນ ຄັນບໍ່ມີຄ່າວໄວ້ ສິເອົາກອນໄປພາດ ໃສນໍ້
    ມີຄ້າວ ບໍ່ມີຕອກ ຜູກໄວ້ ສິໄປໝັ້ນ ບ່ອນໃດ
    ມີເຮືອນ ຄັນບໍ່ມີເສົາຄ້ຳ ລົມສິຕີໄກວແກວ່ງ
    ມີຖົງ ຄັນບໍ່ມີ ບ່ອນຫ້ອຽ ວາງໄວ້ ກະບໍ່ຄວນ.
  • ມີແນວຂວາງກະສິຂວ້າມ ມີໜາມກະສິຜ່າ
    ມີພູຜາກ່າງກັ້ນ ສິຝັນພໍ້ພີ່ສູ່ຄືນ
  • ມີແນວຂວາງ ອ້າຽສິຖາກ
    ມີໜາມຂວາກ ອ້າຽສິຖາງ
    ຍໍຂົວຢ່າງຂວ້າມຜາ ໄດ້ພໍ້ໜ້າອ້າຽກະຊື່ນ
    ມາຢືນຕໍ່ໜ້າເຈົ້າ ຈັ່ງເກົາຖືກບ່ອນຄັນ
  • ມີສາວຊ້ອນ ຫ່ອນຊິມາເວົ້າກ່ຽວ
    ມາຊິຫານເວົ້າກ້ຽວ ສາວແສ້ແວ່ທາງ
    ຢ່າຟັງຄົນແອບອ້າງ ເຂົາຫາຫວ່າງທາງຕິ
    ບໍ່ຫວັງດີນຳເຮົາ ສ່ວນຊິເອົາແຕ່ທາງອ້າຽ
    ເຊື່ອໄປຫຼາຽບໍ່ດີນ້ອງ ຫູທັງສອງໃຫ້ໜັກແໜ່
    ໃຈພີ່ຊາຍຈິງແທ້ ນາງນ້ອງໃຫ້ເຊື່ອໃຈ.
  • ມີສິບຢ່າກິນຫ້າ ເຫັນສຸຣາຢ່ານັ່ງເຈົ່າ
    ຄຶດນຳເຂົ້າຢູ່ເລົ້າ ເຮົານັ້ນຈັ່ງຄ່ອຽກິນ
    ຄິດນຳການງານສ້າງ ທາງໂຕເບິ່ງຈັກໜ່ອຽ
    ຄິດນຳແມ່ອີ່ນ້ອຽ ເຮົານັ້ນຈັ່ງຄ່ອຽທຳ
    ໃຫ້ຄຳນຳອີ່ນາງຫຼ້າ ຜູ່ໄປຮຽນແດ່ເດີ້ແມ່
    ຕຶກຕອງເບິ່ງແທ້ໆ ທາງແກ້ໃຫ້ແກ່ຕົນ
    ຄິດນຳຄົນຜູ່ໄກບ້ານ ໄກເຮືອນຊານ ຢູ່ອ່ຳລ່ຳ
    ຄືຍາມຝົນຕົກຮຳ ເທື່ອບໍ່ມີບ່ອນຊົ້ນ ສິຢືນເຊີ້ຢູ່ຈັ່ງໃດ
    ຄິດເບິ່ງໄກ່ບັກໂຈ້ນ ຢືນເທິງໂພນສີ້ງຕາເບີ່ງ
    ບໍ່ມີຫຍັງແທ້ໆ ຍັງລ້ຽງລູກໄດ້ໃຫ້ໃຫຍ່ສູງ
    ຢ່າມາໂສຄວາມເວົ້າ ກິນເຂົ້າເຂົາກະໄຄແນ່
    ກິນເຂົ້າເຮົາແຕ່ແທ້ ຫາກແວເວົ້າແຕ່ເຣື່ອງເຂົາ
    ຜູ່ລາງຄົນເພິ່ນໄປເຫຼັ້ນ ເຮືອນຊານບ້ານຄົນອື່ນ
    ກັບຄືນມາເວົ້າພື້ນ ແນວນັ້ນແມ່ນບໍ່ດີ
    ດີຜູ່ດຽວມັນດີໜ້ອຽ ດີຫຼາຽຄົນເພິ່ນຈັ່ງເອີ້ນວ່າເກ່ງ
    ໃຫ້ໄດ້ເສັງໄດ້ຮ້ອງ ໄດ້ຍໍຍ້ອງວ່າດີ ແທ້ແລ້ວ
  • ມື້ນີ້ໃຈໝອງໝົ້ນ ຍ້ອນຄົນເຂົາລວງລໍ່
    ຜິດຫວັງໃຈອັ່ງອໍ້ ສົນສໍ້ຍໍ່ນ້ຳຕາ.
    ມັນບໍ່ແຊບດອກຫຼ້າ ຊາຫຍັງເຂົ້າຈ້ຳແຈ່ວ
    ບໍ່ຄືແນວລາບກ້ອຽ ຊອຽຊ້ອນຕ່ອນໝູ
    ປົ່ນປາທູຜັກຫົມຫ້ຽນ ພາກະບຽນ (ພາເຂົ້າ) ເພຮ້າງຂາດ
    ຢ່າໄດ້ວາດວ່າເວົ້າ ຊິກິນເຂົ້າຮ່ວມນຳ
    ກິນເຂົ້າໜຽວທຽວຈ້ຳ ຕຳແຈ່ວແພວຜັກ
    ໃຜຊິມາທົນມັກ ຄັກຫຼາຽຢາກອາຽເວົ້າ
    ຫາກິນໄປຊຳຊາເຖົ້າ ເຫງົາມາຫາບ່ອນແມ່ນ
    ບາຽເອົາແຄນເປົ່າຈົ້ນ ພໍໄດ້ພົ້ນສ່ວງໃຈ.
  • ມັນຫາກ ເຫຼືອແຮງອ້າຍ ມີທັງພາຍທັງທໍ່
    ມີແຕ່ໄມ້ທໍ່ຈ້ຳ ມີແຕ່ນ້ຳທໍ່ຍ້ອຍ ເພົາຜ້າຊຸ່ມເລິງ.
  • ມັນຫາກ ເຫຼືອແຮງອ້າຍ ດິນແກມຊາຍປັ້ນບໍ່ຢູ່
    ຂອນນຶ່ງຈັບຂອນນຶ່ງປັ້ນ ປານນັ້ນລອດງ່າມມື.
  • ມັນຫາກ ເຫຼືອແຮງແຮ້ງ ຄວາຍບໍ່ຕາຍສັງມາເວີ່ນ
    ກາບໍ່ມາຊ່ວຍແຮ້ງ ບໍ່ຄອງໄດ້ແຈ່ວແລງ.
  • ມັນຫາກຄັກ ລື່ນລົ້ນ ໃນກະມົນ ໃຈເພີ່ນ
    ທີ່ໄດ້ຄຶດແຕ່ງແຕ້ມ ໜັງສືນ້ອຽ ປ່ອຽລາຽ
    ເຫັນນ້ຳໃຈ ໝາຽໝັ້ນ ອັສສະຈັນ ໃຫ້ໃຈຕ່າງ
    ທີ່ນາງຄຶດ ຕໍ່ແຕ້ມ ຄວາມເວົ້າກ່າວຈາ
    ຕອບຜຍາຍັງອ້າຽ ບອກບ່ອນ ຍ້ອນແພງຮັກ
    ປະຈັກໃຈຄາຣົມ ບໍ່ຂື່ນຂົມຄຳເວົ້າ
    ຊ່າງດຶງເອົາມາໄດ້ ຄາຣົມໃນ ໃຈເພິ່ນ
    ຕິວ່າໃນມື້ນີ້ ຜ່ານມາໄດ້ ແມ່ນຈັ່ງໃດ
    ໃນມື້ນີ້ ຂ້ອຽອ່ານຄືນກັບຍ້ອນ ກອນອ່ານຜຍາຂຽນ
    ວຽນມາເຫັນ ອະວອນຫຼາຽ ໃນຄວາມເວົ້າ
    ຈຶ່ງໄດ້ເອົາ ມາຟື້ນ ຫວັງຄືນຄ່າ ມະຫາສານ
    ໃຫ້ຕຳນານ ຊວນຫຼິງ ຕ່າວຄືນມາບ້າງ
    ບົທຣຳພັນ ຫົວຂໍ້ ພະນໍນຳ ດ້ວຽຄຳມ່ວນ
    ຊວນໃຫ້ຂ້ອຽແລະເຈົ້າ ຄວນຊື້ງແຊບຫຼາຽ
    ໃຫ້ໝາຽໝັ້ນ ຄືນຫຼັງຊອມເພິ່ນ
    ຫຼາຽປີມາຜ່ານແລ້ວ ຜຍານີ້ມ່ວນໃຈ
  • ມອງພະພາຍພັດພ້າວ ຕາວຕາດຕານເຕີຽ
    ສະບັດເບີຽເຊີຽໃບ ກິ່ງໄກວກວຽກ້ານ
    ສາຽລົມພານຜັດໄຜ່ພີ້ວ ຫຼູບເປັນທີວລີວລະລ່ອງ
    ນ້າວກົກກ່ອງກ້ານກົ້ມ ສາຽລົມລໍ້ກໍ່ກະແສ
    ສາຽຕາແລດູຟ້າ ກາງເວຫາໄຮ້ເມກໝົ່ນ
    ເຂົ້າຂາດຝົນຄົນຂາດເຈົ້າ ໃຈເສົ້າຮ່ວນຫວຍ
    ຝົນບໍ່ຮວຽຮຳໃຫ້ ກ້ານໃບກໍ່ເລີ້ມຫ່ຽວ
    ເຂົ້າເຄີຽຂຽວກະເລີ້ມແຫ້ງ ຝົນແລ້ງແຫ່ງຣະທົມ
    ມີລົມເພີຽພັດຈ້າວ ເມກຂາວລະລີວແລ່ນ
    ເອີດເຕີດແປນຈ່າງປ່າງຟ້າ ຂີ້ຝ້າກະບໍ່ມີ
    ປຽບຄົນຢູ່ທາງພີ້ ຄິດຮອດຄົນດີບໍ່ມີສວ່າງ
    ຄິດຮອດນາງບໍ່ເວັ້ນ ຄິດເຫັນໜ້າຢູ່ບໍ່ເຊົາ
    ມີແຕ່ເຫງົາເຂົ້າມາຫຸ້ມ ສຸມຢູ່ດວງຈິດ
    ນັ່ງຄິດຮອດຄົນດຽວ ຕາກໍ່ຫຼຽວແລຟ້າ
    ໃຈຄົນຖ້າສິຕາຽແລ້ງ ຈວນໝົດແຮງສິສູ້ຕໍ່
    ໄດ້ແຕ່ຣໍກັບຣໍ ຄິດຢາກພໍ້ໜ້າເຈົ້າ ສະເໝືອນເຂົ້າຄອຽຝົນ ແທ້ແລ້ວ