ໝວດທີ່ຂຶ້ນຕົ້ນດ້ວຽຕົວ "ຝ"

  • ຝາກສາຍໃຈສາຍລົມຮ້ອນ ໄປບ່ອນຄວາມຄິດເຖິງ
    ທວນຄນິງໃນໃຈ ນ່ວງໃນພານພໍ້
    ຮູ້ບໍ່ນໍ ວ່າທາງອ້າຍ ຄິດຮອດຫຼາຍທັງເປັນຫ່ວງ
    ບໍ່ມີສາງສ່ວງສິ້ນ ຖວິນນ້ອງຢູ່ສູ່ວັນ

    ແຮ່ງຄິດໄປໃຈສະບັ້ນ ຄິດເຖິງວັນຄືນເກົ່າໆ
    ມື້ທີ່ອ້າຍວ່າເວົ້າ ດອມເຈົ້າຕໍ່ກັນ

    ຈາກມື້ນັ້ນຈົນມື້ນີ້ ໃຈພີ່ຄົງເດີມ
    ຍິ່ງກະເສີມເຕີມຕິດ ຄິດຄນິງຊິຕາຍແລ້ວ
    ບໍ່ຮູ້ແລວທາງພີ້ ຍັງອາລີຄນິງບໍ່
    ຄົນຮູບຫຼໍ່ມາອອດອ້ອນ ຫຼອຍບ້ອນກ່ອນພີ່ຊາຍ ລະບໍ່ນໍ

    ອ້າຍຍັງລໍຄອຍຖ້າ ຂວັນຕານ້ອງຄືເກົ່າ
    ກະຊິຄອຍຕັ້ງແຕ່ເຈົ້າ ແມ່ນເຖົ້າກະຊິລໍ

    ອ້າຍຊິຂໍຝາກຟ້າ ວາຍຸປີວສໄຫວ
    ຝາກໃຈໃຫ້ດູແລ ເທັກແຄຣ໌ນຳນ້ອງ
    ຂໍຈອງ ຫົວໃຈເຈົ້າ ລ້ອມຮົ້ວຮາວກັ້ນຜູ້ອື່ນ
    ທຸກວັນຄືນຄຶດໄດ້ ຝາກໄວ້ວ່າຄິດເຖິງ
  • ຝັນຄືນນີ້ ຝັນດີປລາດຕ່າງ
    ຝັນວ່າຍຸງຄາບຊ້າງ ບິນຂຶ້ນສູ່ສວັນ
  • ຝັນຄືນນີ້ ຝັນເປັນປະຫຼາດຕ່າງ
    ຄວາມຝັນມາຊ່າງເຂົ້າ ເຖິງເຊົ້າມື້ຕໍ່ມາ
    ຝັນວ່າເສົາເຮືອນເນີ້ງ ໄປກ້ຳຝ່າຽຕາເວັນອອກ
    ຝັນວ່າປອກມີດໂຕ້ ຕົກນ້ຳລ່ອງໜີ
    ຝັນວ່າທຳມະໂລງເຫຼື້ອມ ໃນມືກະເດັນແຕກ
    ຢ້ານວ່າຄຸດນາກເຈົ້າ ໃຈສ້ຽວສິຈາກຮຽມ.
  • ຝັນຄືນນີ້ ຝັນເປັນປະຫຼາດຕ່າງ
    ຝັນວ່າຊ້າງເຜືອກຜູ້ ພະອວນເຈົ້າຂຶ້ນຂີ່ຄໍ

    ຮຽມກໍ່ຜັນຜຍອງຂຶ້ນ ເທິງຫົວຊະໂລໃຫຍ່
    ຮຽມກໍ່ໜີບໍ່ໄດ້ ໄກເຈົ້າຄືບວາ.
  • ຝົນຕົກ ຍາມເດືອນຫ້າ ປາຢາກຊົມແຕ່ນ້ຳໃໝ່
    ນ້ຳເກົ່າມີບໍ່ແພ້ ປານັ້ນບໍ່ຢາກຊົມ.
  • ຝົນຕົກ ຍາມເດືອນຫ້າ ໃຜຊິມາກ້າແຂ່ງ
    ບໍ່ແມ່ນເຊື້ອໜໍ່ທ້າວ ຊິຂັນສູ້ຕໍ່ຕາວ.
  • ຝົນຕົກ ຍັງຮູ້ເອື້ອນ ກົບກິນເດືອນຍັງຮູ້ອີ່ມ
    ບາດວ່າອ້າຍຮັກນ້ອງ ບໍ່ມີມື້ອີ່ມເປັນ.
  • ຝົນຕົກລິນໄຫຼຍ້ອຽ ຄອຽນາງໃຈວອນວີ່
    ຈົນວ່າໝົດເດືອນສີ່ ເດືອນຫ້າມາແລ່ນຕ້ອງ ຄອຽນ້ອງຖ້າແຕ່ເຫິງ.
  • ຝົນຫຼົງຟ້າ ຊົລລະທາຫຼົງຝັ່ງ
    ໄຫຼທັ່ງໂຖມໝູ່ບ້ານ ກົວຢ້ານເຮັ່ງອີ່ຫຼີ
    ທຸກມື້ນີ້ ຂ່າວໜ້າໜຶ່ງໜັງສືພິມ
    ອ່ານແລ້ວຊຶມສະເທືອນໃຈ ອຸທົກພັຍຜານບ້ານ(ອຸທົກກະພັຍ = ພັຍອັນຕລາຽທີ່ເກີດຈາກນ້ຳຖ້ວມ)
    ເຮືອນບໍ່ຊານສູນສີ້ນ ດິນຕົມນ້ຳທະລັກ
    ພັນລະຍາທີ່ຮັກ ພໍ່ແມ່ທັງລູກເຕົ້າ ຈົມນ້ຳຕໍ່ຕາ
    ແຕ່ມື້ວານຍັງພໍ້ໜ້າ ຄຸຍມ່ວນສນຸກກັນ
    ນອນກະກຳລັງຝັນ ງຽບງັນເຢັນຈ້ອຽ
    ປະຊາຊົນຫຼາຽຮ້ອຽ ບໍ່ມີໃຜສິຮູ້ເມື່ອ
    ງົວຄວາຽເປັດໄກເຍົ້າ ໝາເຖົ້າກະເຫຼົ່ານອນ
    ຄາວສິເກີດເດືອດຮ້ອນ ຜີປ່າສວາປາມ
    ຟ້າຄຳຣາມຣະງົມຝົນ ທັ່ງໂທມບໍ່ມີສີ້ນ
    ຝົນຕົກລິນບໍ່ຍອມເອື້ອນ ແນມຫາເດືອນກະມືດມິດ
    ເມໂຄປິດບໍ່ເປີດຟ້າ ຝົນກະບ້າຢູ່ບໍ່ຖອງ