ໝວດທີ່ຂຶ້ນຕົ້ນດ້ວຽຕົວ "ຊ"

 

  • ຊ່າວ່ານົກເຂົາຕູ້ ບ້ານເຈົ້າຫາກຂັນຫອງ
    ຊ່າວ່ານົກເຂົາທອງ ບ້ານນາງຫາກຂັນມ່ວນ
    ບາດໄດ້ຊວນຊິດໃກ້ ບໍ່ເຫັນໄດ້ວ່າວອນ.
  • ຊື່ວ່າ ບຸນກຸສົນສ້າງ ສົມຄວນເຮົາເຮັດໃສ່
    ຖ້າຫາກໃຜບໍ່ສ້າງ ຫາບຸນໄວ້ກິ່ນບໍ່ຫອມ.
  • ຊ່າງວ່າ ປາເຫຼັ້ນນ້ຳ ເຫັນລາຽວ່າແຂ້ໃຫຽ່ ແທ້ນໍ
    ກວາງຢູ່ໄພຊອກຫຽ້າ ຄືສິທ້າວ່າແມ່ນເສືອ
    ເຮືອຄາຫີນດິນຄາຫຽ້າ ເຈົ້າຊ່າງມາ ວ່າແນວໃໝ່
  • ຊ່າງສິມາຈາເວົ້າ ຄວມເລົາ ເອົາລໍ່ມັ່ງ
    ມາທີຫຼັງ ຫຍັງບໍ່ພໍ້ ຣໍຖ້າຕັ້ງແຕ່ດົນ
    ຢືນງອຽໂພນ ກັ້ງກົດຖ້າ ສັງສິມາຮອດສວາຽບ່າຽ
    ບາດວ່າ ສວາຽຈັ່ງວ່າເວົ້າ "ຂໍຮັກເຈົ້າໄດ້ບໍ່ນາງ..." ພຸ້ນນ້າ.
  • ຊາດທີ່ ເປັນຊາຍນີ້ ບໍ່ຍອມຄົນໂດຍງ່າຍ
    ບໍ່ຍອມຂາຍຂີ້ໜ້າ ໃຫ້ຊາວບ້ານເພິ່ນຫຍັນ.
  • ຊາດທີ່ ເປັນຫົງແລ້ວ ບໍ່ລົດຕ່ຳລົງເປັນກາ
    ຄຳພາທີໄຂ ບໍ່ຫຼອກລວງຕົວເຈົ້າ
    ຄຳວ່າເອົາເອົານັ້ນ ພຍາຫົງຜູ່ສູງສງ່າ
    ບໍ່ລົດຄວາມໄດ້ເວົ້າ ໃຫ້ເຂົາເອີ້ນວ່າກາ.
  • ຊາຕທີ່ ແນວນາມແບ້ ທຽມສານຫ່ອນຊິເກິ່ງ
    ຊາດທີ່ແນວນາມກາ ຫ່ອນຊິທຽມຫົງໄດ້.
  • ຊາຕທີ່ແນວນາມບົ້ງ ແປນຕົວກາຊິຕອດ ກິນແລ້ວ
    ເຮັດໃຫ້ເປັນສິ່ງມ້ອນ ໃຍຫຸ້ມຫໍ່ຕົວ ຫັ້ນຖ້ອນ (ບ)
  • ຊາຕທີ່ ແນວຊາຍກ້າ ຄວາມສັດຈິງຕ້ອງໝັ້ນທ່ຽງ
    ບໍ່ໄຊ່ສັພພະຫຼອກເວົ້າ ຕົວະເຫຼັ່ນລ່າຍພາງ
    ໃຈບໍ່ຈາງຄືນ້ຳຫ້ວຍ ແນວໜອງບຶງບວກ
    ຫາກແຕ່ໃສສດວດດ້າມ ດີດ້ວຽດຶ່ມນົວ.
  • ຊາຕທີ່ ແນວຊາຍກ້າ ສັດຈິງຕ້ອງໝັ້ນທ່ຽງ
    ບໍ່ພຽງ ສັພພະຫຼອກເວົ້າ ຕົວະເຫຼັ່ນລ່າຍພາງ
    ໃຈບໍ່ຈາງຄືນ້ຳຫ້ວຍ ແນວໜອງບຶງບວກ
    ຫາກແຕ່ໃສສດວກດ້າມ ດີດ້ວຽດຶ່ມນົວ.
  • ຊາຕທີ່ ໄດ້ກ່ອມກິ້ງ ກະຍັງຫ່າງຮາມຫັກ
    ປະສາຫຍັງຄວາມຮັກ ປາກແມ່ຍິງຫານເວົ້າ
    ຢູ່ຊາກັນຈົນເຖົ້າ ຍັງເຊົາປະລາຈາກ
    ແຄ່ຄວາມປາກຮ່ອມຮ້າຽ ບໍ່ມີອ້າຍຊິເຊື່ອຄຳ.
  • ຊາດທີ່ ໂພສີສ້ອຍ ໃບບໍ່ໜານົກບໍ່ແກວ່ນ
    ໝາກບໍ່ຫວານຈ້ອຍໆ ກາອ້ຽງບໍ່ຢາກຊົມ.
  • ຊາດທີ່ ກັສສະໂປບົ້ງ ເລົາດຽວລູກຄູ່
    ດີກໍຊິສູ້ ຮ້າຍກໍຊິສູ້ ຕາຍຖິ້ມແມ່ນບໍ່ແໜງ.
  • ຊາດທີ່ ກາດຳປີ້ ຊິທຽມຫົງກໍຍິນຍາກ
    ຊາດທີ່ແສງຫິ່ງຫ້ອຍ ຊິເຍືອງແຈ້ງແຂ່ງພຣະຈັນ ໄດ້ລື.
  • ຊາຕທີ່ ກາແກມແຮ້ງ ສແວງໂຄງຄວາຍເນົ່າ
    ແມງວັນຂຽວຮ່ວມເຮົ້າ ກາແຮ້ງຕອດກິນ.
  • ຊາດທີ່ ຄຸງຄານ້ຳ ສມຸດຫຼວງບໍ່ມີຂາດ ສະເພົາແລ້ວ
    ບຸນນ້ຳຍັງປ່ຽມລົ້ນ ຫຼາຍຫ້ວຍຮ່ວມໂຮມ.
  • ຊາດທີ່ ຊາຽເຊັງກ້າ ວາຈາໃຫ້ມັນທ່ຽງ
    ຄວາມເວົ້າຫຼຸດອອກຈາກປາກແຕ່ລະຄັ້ງ ເປັນຄວາມໝັ້ນທ່ຽງຈິງ.
  • ຊາດທີ່ ຍາມໜາວນີ້ ຝີງໄຟຫາກສິອຸ່ນ ທຣວງແລ້ວ
    ເດືອນຫ້າມາຮອດແລ້ວ ກາຽໃກ້ກະເລົ່າຄວັນ (ບ.)
  • ຊາດທີ່ ຍາມໜາວນີ້ ຝີງໄຟຫາກສິອຸ່ນ ທຣວງແລ້ວ
    ຣະດູຮ້ອນມາຮອດແລ້ວ ກາຽໃກ້ກະວ່າຄວັນ
  • ຊາດທີ່ ດວງຫອມນີ້ ຊິບານດາຽບານດອກ ເປັນລື
    ຄວາມຄຶດແມງຜູ່ຍັງເທົ່າຟ້າ ຫວັງມ້ຽນກະດູກດອມ.
  • ຊາດທີ່ ດວງຫອມນີ້ ບານດາຽແລ້ວເປົ່າ ເປັນລື
    ຄວາມຄຶດແມງຜູ່ມີທໍ່ຟ້າ ສິໝາຽມ້ຽນກະດູກດອມ.(ບ)
  • ຊາດທີ່ ມາລານີ້ ດວງຫອມຮົດຮ່ວງ
    ໃຜຜູ້ມານັ່ງໃກ້ ດົມແລ້ວບໍ່ຢາກໜີ.
  • ຊາດທີ່ ມາລານີ້ ດວງຫອມຮົດຮ່ວງ
    ໃຜຜູ້ເຂົ້າຊົມໄດ້ ດົມແລ້ວບໍ່ຢາກໜີ.
  • ຊາດທີ່ໝາເຫັນເຂົ້າ ໃນມືຊີງສວບ
    ຍາມເມື່ອກີນອີ່ມແລ້ວ ແສນສິເອີ້ນກະແລ່ນໜີ (ບ)
  • ຊາດທີ່ມາລາໄມ້ ດວງຫອມຮວຍຮາດ
    ໃຜຜູ້ເນົານັ່ງໃກ້ ດົມແລ້ວບໍ່ຢາກໜີ
  • ຊາດທີ່ຫມາເຫ້ນເຂົ້າ ໃນເມືອງຊິງສວບ
    ຍາມເມື່ອກິນອີ່ມແລ້ວ ແສນຊິເອີ້ນກະບໍ່ມາ
  • ຊາຕາຄາດແຫ້ງ ຝົນຕົກລິນກະບໍ່ຊຸ່ມ
    ຊາຕາຄາດແລ້ງ ແສນສິຖ້ວມກະໄຫງ່ຜົງ (ປ)
  • ຊ່າງຊິມາຖແລງຫຼົ້ມ ຄືບໍ່ສົມຄວາມເພິ່ນວ່າ
    ຊ່າງບໍ່ສົມຄວາມຈາ ມາບໍ່ສົມເພິ່ນເວົ້າ ເຂົາຍ້ອງວ່າດີ.
  • ຊ່າງມາຕິແຖລງຫຼົ້ມ ບໍ່ສົມຄຳເພິ່ນວ່າ
    ສັງຊິປະປ່ອຍຖີ້ມ ໄລຮ້າງມ່ອມພະນາງ.
  • ຊ່າງມາປະໄຮ່ໄວ້ ໜີໄປຕຳນາສ່າວ
    ຊ່າງມາລະເລົ້າເຂົ້າ ໜີໄປຊົ້ນປ່າກອຽ.
  • ຊ່າງມາປູກຜັກແປ້ນ ແທນໜານຜັກອີ່ເລີດ
    ເປີດນຳຄວາມຮ່ວມຮູ້ ມີຊູ້ກະວ່າບໍ່ມີ.
  • ຊ້າງບໍ່ຖີ້ມງາ
    ປາບໍ່ຖີ້ມນ້ຳ
    ເຂົ້າງາມບໍ່ຖີ້ມທົ່ງ
    ນ້ຳຂອງບໍ່ລາຕະຝັ່ງກັ້ນ ຄວາມສັມພັນບໍ່ເປັນໃໝ່
    ສິຫຍັກໆໃຍໆ ຄືຈັ່ງດ້າຽມ່າຽກັ້ນ ນາງນັ້ນກະດັ່ງດຽວ

    ມາຮ່ວມກັນສັນສ້າງ ຄອງທາງສັພພະຮີດ
    ຂີດເສັ້ນຍິງສູ່ເຄົ້າ ສັຈຈັງເຫງົ້າຮັກບໍ່ລືມ ເດີ້ເຈົ້າ
  • ຊີ້ນບໍ່ພໍຕ່ອນປີ້ງ  ຢ່າໄດ້ອ່າວຈາແກງ
    ຢ່າຊິຄຸມເອົາເກືອ ຕື່ມລົງໃຫ້ດູຮ້າຍ
  • ຊີ້ນບໍ່ເປັນຕ່ອນຢ້າງ ຢ່າໄດ້ອ່າວຫາແກງ
    ຢ່າໄດ້ກຸມເອົາເກືອ ເອືອບລົງດູຮ້າຽ (ປ)
  • ຊີວິຕ
    ຂໍເຕີ່ນຂານຕຳນານເວົ້າ ນຳມາເລົ່າເຕືອນສຕິ
    ຊີວິດມີ ບໍ່ ພຽງສຸກ ທຸກຕຣົມຫາກມີພ້ອມ
    ຫາກເຮົາຊອມເຫັນແທ້ ແລເຫັນທັມອັນລ້ຳຍິ່ງ
    ບໍ່ວ່າຊາຽຫຼືຍິງ ຫາກສິພົ້ນໂສກເສົ້າ ເລິງເລື້ອຽຢູ່ບໍ່ເຊົາ

    ຍ້ອນເຮົາມົວ ເມົາເຫຼັ້ນ ເວັ້ນຈາກທັມ ກັມຈຶ່ງແຕ່ງ
    ເກີດເປັນແຮງ ແຕ່ງແຕ້ມ ວົນຊ້ຳ ຢູ່ບໍ່ເຊົາ
    ກັມເຮົາທຳ ນຳມາສ້າງ ໃຫ້ກ້າວຍ່າງ ໃນວັງວົນ
    ວົນວຽນເກີດ ວົນວຽນຕາຽ ດັ່ງມົດວົນ ຂອບກະດົ້ງ...

    ອົງພຸທໂທສັງໂຄເຈົ້າ ຈຶ່ງຍ້ຳເລົ່າ ໃຫ້ຫວນຄຶດ
    ໃຫ້ເຣີ້ມທຳນຳຊີວິຕ ສູ່ຄອງທັມ ໃຫ້ກັມພົ້ນ
    ໃຫ້ຄ່ອຽພຽນ ກຸສົນສ້າງ ພໍເປັນທາງ ໃຫ້ທຽວທ່ອງ
    ພໍເສີມແຮງສົ່ງຍູ້ ຊູດັນຂື້ນ ສູ່ວິມານ
  • ຊີວິຕໄກໄລຂ້າງ ສອງພະນາງລູກອ່ອນໆ
    (ຍ້ອນຄວາມຈົນມັນບັນທອນ )
    ເຈົ້າໜີ້ທວງບໍ່ແພ້ ເທິງຕາມແກ້ກະບໍ່ທັນ
    ຕັດສິນໃຈໄລຂ້າງ ໜີຫ່າງລູກໃນອົກ
    ເກີດມາພົກຄວາມຈົນ ລູກສອງຄົນກະກ່ຳພ້າ
    ຕັດສິນໃຈຝາກເຖົ້າໄວ້ ສອງເຂືອພໍ່ກັບແມ່
    (ພໍ່ກະເຖົ້າ ແມ່ກະແກ່) ຢາກດູແລແຕ່ບໍ່ໄດ້
    ຄວາມຈົນຮ້າຍມັນແລ່ນມາ (ແມ່ລາແລ້ວ ລູກຄຳເອີ້ຍ)
  • ຊື່ວ່າ ແນວເດັກນ້ອຽ ຕາ "ກໍ" ຄວາມຄຶດໝໍ່
    ໄດ້ "ກ" "ຂ" ຂໍ້ຫຼໍ້ ຄວາມເວົ້າຜັ້ນຢູ່ດາວ (ບ.)
  • ຊື່ວ່າ ແນວກ່ຳພ້າ ໝູໝາກະຍັງໜ່າຽ
    ເຫັນຍ່າງກາຍໜ້າຮົ້ວ ໄທບ້ານຖົ່ມນ້ຳລາຍ
  • ຊື່ວ່າ ແນວຄວາມເວົ້າ ຂອງຄົນມັນເກີນງ່າຍ
    ໄດ້ເທິງຫງາຍແລຂ້ວມ ຄວາມເວົ້າບໍ່ຢູ່ຄວາມ
    ເຂົາຮັກເຂົາກະຍ້ອງ ເຂົາຊັງເຂົາກະວ່າ
    ຄືດັ່ງບັກເຄົ້າເມົ້າ ໝາເຖົ້າເຫົ່າແຕ່ເຂົາ
    ຄັນເຮົາທຳດີແລ້ວ ເຂົາຊັງກໍ່ຕາມຊ່າງ
    ຄັນເຮົາເຮັດແມ່ນແລ້ວ ເຂົາຍ້ອງກະຊ່າງເຂົາ
    ເຂົາສິພາກັນທ້ວງ ທັງເມືອງບໍ່ມີງ່ຽງ
    ເຂົາສິຕິຕັ້ງຄ້າຍ ຂາຍໜ້າກະບໍ່ອາຍ (ບ.)
  • ຊື່ວ່າ ແນວຄວາມຮູ້ ໃນເຮືອນຫາຍາກ
    ຄຫນບໍ່ອອກຈາກບ້ານ ບໍ່ມີໄດ້ທໍ່ໃຍ (ບ.)
  • ຊື່ວ່າ ແນວຄວາມຮູ້ ສີລທັມພຣະເຈົ້າໃຫຍ່
    ຄັນແມ່ນ ຮຽນໄດ້ແລ້ວ ເປັນແກ້ວແກ່ນມະໂນ (ບ.)
  • ຊື່ວ່າ ໂລກີກວ້າງ ເມືອງຄົນມັນບໍ່ທ່ຽງ
    ມັນຫາກໂງງ່ຽງງ້ອຍ ຄືຄ້ອຍຕະລິ່ງເນີນ ນີ້ໃດ
  • ຊື່ວ່າ ໂລກີກວ້າງ ເມືອງຄົນມັນບໍ່ທ່ຽງ
    ມັນຫາກງ່ຽງຊ້ອຽງ້ອຽ ຄືຄ້ອຽຕະລິ່ງຂອງ
    ລາງເທື່ອສິດກັບໄດ້ ເປັນຄູສອນສັ່ງ ກໍ່ມີ
    ລາງເທື່ອລູກໄພ່ບ້ານ ສອນທ້າວບ່າວພຍາ ກໍ່ມີ (ບ.)
  • ຊື່ວ່າ ການຍໍຍ້ອງ ນິນທາປະຈຳໂລກ
    ມີແຕ່ປູ່ແຕ່ປູ້ ສິໜີໄດ້ຮ່ອມໃດ (ບ.)
  • ຊື່ວ່າ ກັມເຖິງແລ້ວ ຈຳໃຈຈຳຈາກ
    ບໍ່ມີໃຜແກ່ທື້ນ ຄືນໄດ້ໂລກເຮົາ (ບ.)
  • ຊື່ວ່າ ຄວາມຕາຽນີ້ ແຂວນຄໍທຸກບາດຍ່າງ
    ໃຜກະແຂວນອ້ອນຕ້ອນ ສເມີດ້າມດັ່ງດຽວ (ບ.)
  • ຊື່ວ່າ ຄອງຄູນຄ້ຳ ໃຜທຳເປັນປະໂຍດ
    ເຖົ້າແກ່ເດັກໜຸ່ມນ້ອຽ ທຳໄດ້ກໍ່ຮຸ່ງເຮືອງ (ບ.)
  • ຊ່ືວ່າ ສົງສານຊັງ ສົງສານກຳຮອບ
    ເວນຫາກມາຄອບແລ້ວ ວອນໄຫວ້ກໍ່ບໍ່ຟັງ (ບ.)
  • ຊື່ວ່າ ເປີງເປັນແລ້ວ ຈຳໃຈຈຳຈາກ
    ຄັນບໍ່ພາກຈາກບ້ານ ຄວາມຮູ້ບໍ່ເຮືອງ (ບ.)
  • ຊື່ວ່າ ຈັນເພັງແຈ້ງ ປານແສງສຸຣິເຍດ
    ແສງກະບອງໝື່ນເຫຼັ້ມ ບໍ່ປານແຈ້ງແຫ່ງເດືອນ
    ຄືດັ່ງຫຼານເຫຼັນຫຼ້ອນ ບໍ່ປຸນປານເຈົ້າຍ່າ
    ເດັກນ້ອຽ ຮູ້ຕັ້ງລ້ານ ບໍ່ປານເຖົ້າຜູ່ດຽວ (ບ.)
  • ຊາດທີ່ ກວຽນແປງແລ້ວ ດູງາມທຸກສີ່ງ ຈິງແລ້ວ
    ງົວໝ່ອມພະນາງບໍ່ແກ່ໃຫ້ ສະເທີນຄ້າງຢູ່ເອງ ດອກນາ (ບ.)
  • ຊາດທີ່ ງໍເງິງໄງ້ ຂອນເຫັນດູຫຼາກ
    ຄັນບໍ່ເຂັນກະງອດງີ້ວ ງູຮ້າຍຫາກມີ (ບ.)
  • ຊັງ...
    ຄັນອ້າຽຕາຽ... ກາຽເປັນດິນກັບຫຽ້າ ນອນກອດຝາອ້າຽບໍ່ຈົ່ມ
    ຕາຽເປັນຕົມຫຼົ່ມຈື້ນ ຕີນຄວາຽຫຍຽບກະຊ່າງຕາມ
    ຕາຽເປັນແປວບວກນ້ຳ ປູປາໜ່າຽໜີໄກວັງ
    ອ້າຽກະຍັງ ສິທົນເອົາ ບ່າວພີ່ຊາຽພໍທົນໄດ້
    ແຕ່ຄັນຕາຽໄປເຫັນນ້ອງ ຜູ້ສອງໃຈກາຽເປັນອື່ນ
    ສິຂໍຕາຽ ອີກໝື່ນຄັ້ງ ບໍ່ຫວັງສ້າງຮ່ວມຜລາ
    ແມ່ນສິຕາຽ ເປັນ ຊ້າງມ້າ ງົວຄວາຽກະຕາມຊ່າງ
    ສິຂໍໄລ ອີກໝື່ນທ້າງ ຍ້ອນຊັງຮ້າຽ ບໍ່ຢາກຫຼຽວ
  • ຊົງສິຖືກຕົວະຕົ້ມ ຕົກຂີ້ຕົມເທິງໂພນຂ່ອຽ
    ຖືກຕົວະກິນນ້ຳອ້ອຽ ບາດໃດແທ້ເປັນແຫຍ່ເລົາ
  • ຊວນຊົມໄມ້ ມາລາດວງດອກ
    ສັພພະຍອກກອດກ້ຽວ ທຽວຕ້ອຽປ່ອຽລະອອງ
    ຍາມມຽງມອງມຸບມ້າຽ ຫອມຫຼາຽຜກາກ່ອງ
    ສອງພັກພິມອິ່ມແກ້ມ ງາມແຍ້ມອິ່ມລະມຸນ
    ຢາດພິຣຸນອຸ່ນຫຼ້າ ເພ-ລາແຈ້ງສວ່າງ
    ສວຽສອາງອິ່ນອ້ອຽ ງາມຍ້ອຽຢາດຣະຣິນ