ອວຍພອນ ປີໃໝ່

ອວຍພອນ ປີໃໝ່

ອວຍພອນ 1 (ປີໃໝ່)

  1. ສັພພະໂສຖີຕັ້ງ ຕົວອະຫັງຂໍນົບນອບ
    ຈິຕປະກອບຍົກອ້າງ ອົງຄ໌ພື້ນພຸທທະຄຸນ
    ທັມໂມໝູນສັງໂຄຊ້ວນ ສາມຕຣັຍຈົ່ງໝັ້ນແກ່ນ
    ເທພາແດນດ່ານດ້າວ ຜືນກວ້າງແຜ່ນສວັນ

    ບຸນກຸສົນແຫ່ງບັ້ນ ທີ່ເຄີຽໝັ່ນພຽນທຳ
    ຂໍຈົ່ງນຳຊູຊັກ ຮັກສາບັນດາເຈົ້າ
    ສຸຂະການຖເລີງເຂົ້າ ເນົາດິຖີຂື້ນປີໃໝ່
    ຂໍພວກທ່ານຈົ່ງໄດ້ ພອນລ້ຳທຸກປະການ

    ອັນໂຣຄາພຍາທຍ້ານ ຢ່າບັງບຽດບຽນກາຽ
    ອັນຕລາຽແນວສັງ ກໍ່ຢ່າຍັງເນົາເນື້ອ
    ເງິນຄຳເຫຼືອສນຸກໃຊ້ ໄປມາສດວກລ່ອງ
    ຂໍສົ່ງພອນຝາກພີ່ນ້ອງ ທັງຫຼາຽຖ້ວນຜູ້ສູ່ຄົນ.

  2. ປີເກົ່າເໝີດໄປແລ້ວ ປີໃໝ່ໄດ້ມາເຖິງ
    ຂໍພຣະອິນຜູ້ຢູ່ເທິງ ດາວະດຶງເມືອງຟ້າ
    ປະທານພອນລົງມາໃຫ້ ມະນຸສໃນພື້ນແຜ່ນ
    ທົ່ວດິນແດນໂລກກວ້າງ ໃຫ້ເນົາຍັ້ງຢູ່ດີ

    ຢ່າໄດ້ມີເຫຕຮ້ອນ ສັພພະສິ່ງອັນໃດ
    ໂພຽພັຍຫາຽ ຢ່າສິຫວນເຫນພໍ້
    ຜູ້ທີ່ຣໍໂຊກເຂົ້າ ວາສນາເສີມສົ່ງ
    ສົມປະສົງສູ່ດ້ານ ງານເງິນພ້ອມສູ່ອັນ

    ຜູ້ຂີ້ຄ້ານໃຫ້ພໍຢູ່ພໍກິນ
    ຜູ້ມີສິລມີທັມ ໃຫ້ຮັ່ງມີດີໄດ້
    ຜູ້ທີ່ເຈັບປ່ວຽໄຂ້ ໃຫ້ຫາຽດີມີສຸກຍິ່ງ
    ສິ່ງໃດດີຫຼັ່ງເຂົ້າ ໂພຽພັຍຮ້າຽໃຫ້ຫ່າງໄກ

    ທຸກຄົນມີເປັນໄດ້ ສົມຕັ້ງໃຈທຸກສິ່ງຢ່າງ
    ທາງຊີວິຕປີໃໝ່ນີ້ ສຸກຂີໝັ້ນສູ່ຄົນ ເດີ້ ສາທຸ

  3. ປີໃໝ່ນີ້ ໃຫ້ມັນດີ/ກວ່າປີເກົ່າ
    ເງິນເຂົ້າເຮືອນມື້ລະຮ້ອຽ ປີໃໝ່ໄດ້/ມື້ລະພັນ
    ຝັນປີເກົ່ານັ້ນ ຝັນບໍ່ດີ/ມີແຕ່ລ່າຽ
    ຝັນປີໃໝ່/ໃຫ້ເຫັນໂຕກ້ອງຍ້ອງ ຊື້ໄດ້ໂລດ/ບໍ່ຕ້ອງແປ

    ແກ່ປີເກົ່ານັ້ນ ປີໃໝ່ໃຫ້/ເປັນບ່າວສາວ
    ເມັຽເຮົາເຄີຽເປັນຍັກ ປີໃໝ່ກາຽ/ເປັນນາງຟ້າ
    ຜົວຂີ້ຢາຂີ້ເຫຼົ້າ ໃຫ້ເຊົາກິນເຊົາດື່ມ
    ເຄີຽຢືມເງິນຜູ້ອື່ນໃຊ ປີໃໝ່ໃຫ້/ເປັນເຈົ້າມື

    ເມັຽໃຫ້ຖືເງິນໄດ້ ບໍ່ເກີນວັນ/ລະ...
    ປີໃໝ່ເມັຽໃຫ້ເພີ້ມ .../ບໍ່ຕ້ອງທອນ ເດີ້ ສາທຸ ປະຫຼັດຊ່ອຽກັນ

  4. ປີໃໝ່ນີ້ ຂໍໃຫ້ໃໝ່ເໝີດປີ
    ວັນເວລານາທີ ເດືອນປີໃໝ່ເໝິດສີ້ນ
    ດິນແລະນ້ຳ ປູປາກະໃຫ້ໃໝ່
    ປາຊີວໃຫຍ່ທໍ່ແຂນໂປ້ງ ປາຄໍ່ກັ້ງທໍ່ຕົ້ນຕານ

    ດອກໄມ້ບານຫອມພ້ອມ ບໍ່ຍອມຫຼົ່ນເໝິດປີ
    ຝົນຕົກດີແຕ່ພໍງາມ ຍາມເຮັດນາບໍ່ຖ້ວມບໍ່ແລ້ງ
    ເຂົ້າເຮົາແພງຂາຽໄດ້ ຣາຄາດີກວ່າປີກ່ອນ
    ຜູ້ລ້ຽງມ້ອນຕ່ຳຜ້າຝ້າຽ ຣາຽໄດ້ສ່ຳເສຖີ

    ຂໍໃຫ້ປະເທດນີ້ ຄົນຮັ່ງມີຫຼາຽກວ່າໝູ່
    ຄົນຜູ້ທຸກຍາກໄຮ້ ໃຫ້ມີໜ້ອຽສ່ຳບໍ່ມີ
    ຄົນໃຈດີໃຫ້ມາກລົ້ນ ຄົນອາຍຸຍືນບໍ່ເຖົ້າບໍ່ແກ່
    ດູແລກັນຄືພີ່ນ້ອງ ຮັກແພງໝັ້ນບໍ່ໜ່າຽກັນ

  5. ປີເກົ່າເໝີດສົກແລ້ວ ປີໃໝ່ມາເຖິງ
    ວັນເວລາວຽນມາຮັບ ປ່ຽນກັນເປັນມື້
    ຮຽມຂໍຖືໂອກາດນີ້ ອວຽພອນວັນປີໃໝ່
    ປະສົງໃດຂໍໃຫ້ໄດ້ ສົມດ້າມດັ່ງໝາຽ

    ຜູ້ໃດຮູບຮ່າງຮ້າຽ ໃຫ້ສວຽຫຼໍ່ຣະອໍຕາ
    ໂຊກລາບໄຫຼຫຼັ່ງມາ ສູ່ວັນບໍ່ມີເວັ້ນ
    ໃຫ້ເຈົ້າມີເປັນໄດ້ ສົມຕັ້ງໃຈທຸກສິ່ງຢ່າງ
    ຜູ້ທີ່ເປັນໝ້າຽຮ້າງ ໄດ້ແຟນຮູ້ຮັກຈິງ

    ສິ່ງບໍ່ດີບໍ່ມາໃກ້ ອັນຕລາຽບໍ່ມາຜ່າ
    ພົບແຕ່ທາງກ້າວໜ້າ ຈເຣີນຂື້ນບໍ່ຖອຽ
    ເປັນບ່າວສາວສ່ຳນ້ອຽ ຮ້ອຽປີກະຍັງດີຄືເກົ່າ
    ໂຊກລາບໄຫຼຫຼັ່ງເຂົ້າ ໂຮມເຈົ້າສູ່ວັນ

    ນອນຫຼັບນັ້ນ ໄດ້ເງິນພັນເງິນໝື່ນ
    ຕື່ນຂື້ນໄດ້ ໂຊກພັນລ້ານເປັນເສຖີ ສູ່ຄົນ ໆ ເດີ້... ສາທຸ

  6. ປີເກົ່າໝົດໄປແລ້ວ ປີໃໝ່ໄດ້ມາເຖິງ
    ຂໍພຣະອິນທຣ໌ຜູ້ຢູ່ເທິງ ດາວະດຶງເມືອງຟ້າ
    ປຣະທານພອນລົງມາໃຫ້ ມນຸສໃນພື້ນແຜ່ນ
    ທົ່ວດິນແດນໂລກກວ້າງ ໃຫ້ເນົາຍັ້ງຢູ່ດີ

    ຢ່າໄດ້ມີເຫຕຮ້ອນ ສັພພະສິ່ງອັນໃດ
    ໂພຽພັຍຫາຽ ຢ່າຊິຫວນເຫັນພໍ້
    ໃຜຜູ້ຣໍໂຊຄເຂົ້າ ວາສນາເສີມສົ່ງ
    ສົມປະສົງທຸກດ້ານ ງານເງິນພ້ອມຊູ່ອັນ
    ໃຜຜູ້ເຄີຽກຽດຄ້ານ ໃຫ້ພໍຢູ່ພໍກິນ
    ຜູ້ມີສິລມີທັມ ໃຫ້ຮັ່ງມີດີໄດ້
    ໃຜຜູ້ເຈັບປ່ວຽໄຂ້ ໃຫ້ຫາຽດີມີສຸກຍິ່ງ
    ສິ່ງໃດດີຫຼັ່ງເຂົ້າ ໂພຽພັຍຮ້າຽໃຫ້ຫ່າງໄກ
    ທຸກຄົນ ມີ ເປັນ ໄດ້ ສົມດັ່ງໃຈທຸກສິ່ງຢ່າງ
    ທາງຊີວິຕປີໃໝ່ນີ້ ສຸຂຂີໝັ້ນຊູ່ຄົນ ເດີ້.... ສາທຸ
  7. ປີໃໝ່ນີ້ ໃຫ້ມັນດີກວ່າປີເກົ່າ
    ເງິນເຂົ້າເຮືອນມື້ລະຮ້ອຽ ປີໃໝ່ໄດ້ມື້ລະພັນ
    ຝັນປີເກົ່ານັ້ນ ຝັນບໍ່ດີ ມີແຕ່ລ່າຽ
    ຝັນປີໃໝ່ນີ້ ໃຫ້ເຫັນໂຕ "ຂ້ອງຍ໋ອງ" ຊື້ໄດ້ໂລດບໍ່ຕ້ອງແປ
    ແກ່ປີເກົ່ານັ້ນ ປີໃໝ່ໃຫ້ເປັນບ່າວເປັນສາວ
    ເມັຽເຮົາເຄີຽເປັນຍັກ ປີໃໝ່ກາຽເປັນນາງຟ້າ
    ຜົວຂີ້ຢາຂີ້ເຫຼົ້າ ໃຫ້ເຊົາກິນເຊົາດຶ່ມ
    ເຄີຽຢືມເງິນຜູ້ອື່ນໃຊ້ ປີໃໝ່ໃຫ້ເປັນເຈົ້າມື
    ເມັຽໃຫ້ຖືເງີນໄດ້ ບໍ່ເກີນວັນລະຫ້າພັນກີບ
    ປີໃໝ່ເມັຽໃຫ້ເພີ່ມ ຫ້າລ້ານບໍ່ຕ້ອງທອນ ເດີ້ ສາທຸ ປະຫຍັດຊ່ອຽກັນ

  8. ປີໃໝ່ນີ້ ຂໍໍໃຫ້ໃໝ່ເໝີດປີ
    ວັນເວລານາທີ ເດືອນປີໃໝ່ເໝີດສິ້ນ
    ດິນແລະນ້ຳ ປູປາກະໃຫ້ໃໝ່
    ປາຊີວໃຫຽ່ທໍ່ແຂນໂປ້ງ ປາຄໍ່ກັ້ງທໍ່ຕົ້ນຕານ
    ດອກໄມ້ບານຫອມພ້ອມ ບໍ່ຍອມຫຼົ່ນເໝີດປີ
    ຝົນຕົກດີ ແຕ່ພໍງາມ ຍາມເຮັດນາ ບໍ່ຖ້ວມບໍ່ແລ້ງ
    ເຂົ້າເຮົາແພງຂາຽໄດ້ ຣາຄາດີກວ່າປີກ່ອນ
    ຜູ້ລ້ຽງມ້ອນ ຕ່ຳຜ້າຝ້າຽ ຣາຽໄດ້ສ່ຳເສຖຖີ
    ຂໍໃຫ້ປະເທສນີ້ ຄົນຮັ່ງມີຫຼາຽກວ່າໝູ່
    ຄົນຜູ້ທຸກຍາກໄຮ້ ໃຫ້ມີໜ້ອຽສ່ຳບໍ່ມີ
    ຄົນໃຈດີໃຫ້ມາກລົ້ນ ຄົນອາຍຸຍືນບໍ່ເຖົ້າບໍ່ແກ່
    ດູແລກັນຄືພີ່ນ້ອງ ຮັກແພງໝັ້ນ ບໍ່ໜ່າຽກັນເດີ້...

  9. ປີ2017 ໝົດສົກແລ້ວ ປີໃໝ່ມາເຖິງ
    2018 ວຽນມາຮັບ ປ່ຽນກັນເປັນມື້
    ຮຽມຂໍຖືໂອກາສນີ້ ອວຽພອນປີໃໝ່
    ປຣະສົງໃດຂໍໃຫ້ໄດ້ ສົມດ້າມດັງໝາຽ
    ຜູ້ໃດຮູບຮ່າງຮ້າຽ ໃຫ້ສງ່າຣະອໍຕາ
    ໂຊຄລາພໄຫຼຫຼັ່ງມາ ສູ່ວັນບໍ່ມີເວັ້ນ
    ໃຫ້ເຈົ້າເປັນມີໄດ້ ສົມດັ່ງໃຈທຸກສິ່ງຢ່າງ
    ຜູ້ທີ່ເປັນຮ້າງໝ້າຽ ໄດ້ຄູ່ຊ້ອນຮັກຈິງ
    ສິ່ງບໍ່ດີບໍ່ມາໃກ້ ອັນຕລາຽບໍ່ມາຜ່າ
    ພົບແຕ່ທາງກ້າວໜ້າ ຈເຣີນຂື້ນບໍ່ຖອຽ
    ເປັນດັ່ງວັຍສ່ຳນ້ອຽ ຮ້ອຽປີກະຍັງດີຄືເກົ່າ
    ໂຊຄລາພໄຫຼຫຼັ່ງເຂົ້າ ໂຮມເຈົ້າສູ່ວັນ....

  10. ປີໃໝ່ນີ້ ຂໍໍໃຫ້ໃໝ່ເໝີດປີ
    ວັນເວລານາທີ ເດືອນປີໃໝ່ເໝີດສິ້ນ
    ດິນແລະນ້ຳ ເຂຕຄາມກະໃຫ້ໃໝ່
    ຜູ້ໃຫຽ່ແລະເດັກນ້ອຽ ໃຫ້ໃໝ່ດ້າມດັ່ງກັນ
    ຜິວພັນຜຸດຜ່ອງຂື້ນ ງາມໃສຊິງກວ່າເກົ່າ
    ຜູ້ເຖົ້າຍານ ຕວບຕ້ວຽ  ໃຫ້ສວຽຂື້ນສ່ຳບ່າວສາວ
    ມັກຜູ່ໃດຂໍໃຫ້ໄດ້ ຄົນໃດກໍ່ໃຫ້ຜ່ານ
    ຣາຄາເຂົ້າຢູ່ເລົ້າ ໃຫ້ແພງຂື້ນສ່ຳຣົຖຍົນ
    ຂໍໃຫ້ຝົນດີບໍ່ແລ້ງ ສ່ຳແຕ່ງເອົານ້ຳທ່າ
    ໄດ້ເຮັດນາທຸກທຸກໝ້ອງ ສົມບັດລົ້ນຫຼັ່ງໂຮມ ເດີ້ ສາທຸ...

  11. ປີໃໝ່ມາຮອດແລ້ວ ສຽວໂຮ່ແຊວ ສລອງກັນມ່ວນຊື່ນ
    ສນຸກສນານຄຶກຄື້ນ ເບີກບານຂື້ນກວ່າປີກາຽ
    ເງິນເດືອນຫຼາຽງານໜ້ອຽ ຄ້າຂາຽກຳໄຣຄ່ອງ
    ມວນໝູ່ຊາວພີ່ນ້ອງ ເຮັດນາໃຫ້ຟ້າຝົນດີ
    ຜູ້ໃດມີຄູ່ແລ້ວ ໃຫ້ໝັ້ນຍືນຍາວຍິ່ງ
    ຜູ້ໃດຍັງໂສດສິ້ງ ບ່າວສາວໜຸ່ມຍາດກັນ
    ຜູ້ທີ່ຮ້າງໝາ້ຽນັ້ນ ໃຫ້ຫາແຟນໄດ້ງ່າຽ
    ສົມໃຈເຈົ້າສູ່ດ້ານ ມີ ເປັນ ໄດ້ ດັ່ງຝັນ
    ອາຍຸຍືນຍາວໝັ້ນ ພັນປີບໍ່ມີປ່ຽນ
    ຈົນກະສຽນຮ້ອຽຄັ້ງ ຍັງໜຸ່ມແທ້ສງ່າງາມ
    ໃຫ້ເຈົ້າຣວຽລື່ນລົ້ນ ຄວາມຈົນບໍ່ຖາມຂ່າວ
    ເປັນບ່າວສາວເດັ່ນແທ້ ແລແລ້ວອີ່ມບໍ່ເປັນ ເດີ້...

  12. ປີໃໝ່ມາຮອດແລ້ວ ແຊວສຽງສຳນຽງຊື່ນ
    ມວນເປັດໄກ່ຕື່ນເຕັ້ນ ໂຮຮ້ອງບອກຂ່າວກັນ
    ສຽງໄກ່ຂັນຈັ້ນຈັ້ນ ບອກຂ່າວວັນຂື້ນປີໃໝ່
    ປຣະສົງໃດຂໍໃຫ້ໄດ້ ສົມດ້າມດັ່ງໝາຽ
    ອັນໝູ່ໂຣຄາໄຂ້ ຫວັດໄອໃຫ້ໄກຫ່າງ
    ທາງຊີວິຕປີໃໝ່ນີ້ ມີເປັນໄດ້ດັ່ງຝັນ
    ໃຫ້ເຈົ້າສຸຂີໝັ້ນ ສເມີມັນເຄືອໃໝ່
    ສຸຂສົດໃສຊາບຊຶ້ງ ຄນິງໃຫ້ໄດ້ສູ່ຄົນ ນັ້ນເນີ້

  13. ປີໃໝ່ນີ້ ຂໍໃຫ້ໃໝ່ເໝີດປີ
    ຂໍໃຫ້ດີຄູ່ແນວ ທຸກອັນຄືຝັນໄວ້
    ໂຊຄລາພໄຫຼຫຼັ່ງເຂົ້າ ໂພຽພັຍໃຫ້ໄກ່ຫ່າງ
    ຜູ້ເພີ່ນເປັນໝ້າຽຮ້າງ ຫາແຟນໄດ້ຖືກໃຈ
    ຜູ້ໃດມີແຟນແລ້ວ ໃຫ້ທົງສວຽງາມສງ່າ
    ຜູ້ໃດໄດ້ແຟນເຖົ້າ ໃຫ້ຜແລງໄດ້ຫຼໍ່ສວຽ
    ໃຫ້ເຈົ້າຣວຽລື່ນລົ້ນ ຄວາມທຸກຈົນໃຫ້ໜີຈາກ
    ຄວາມລຳບາກຫຼີກລີ້ ໜີສ້ຽງບໍ່ໃຫ້ເຫັນ
    ໃຫ້ເຈົ້າມີເປັນໄດ້ ສົມໃຈເຈົ້າທຸກຢ່າງ
    ພໍ້ແຕ່ທາງສຸກຂີ ໃຫ້ຮັ່ງມີເລີດລ້ຳ ບຸນຄ້ຳຄູ່ສູ່ຄົນ ເດີ້

  14. ປີໃໝ່ມາຮອດແລ້ວ ແນວໃດດີມີນຳໝູ່
    ສິ່ງຊົ່ວຊາມບໍ່ຢູ່ຍັ້ງ ຝັງໝັ້ນໄວ້ຢ່າໃຫ້ມີ
    ເປັນໂຣຄນັ້ນໂຣຄນີ້ ໃຫ້ຫາຽດີເໝີດສູ່ຢ່າງ
    ແຮງຫຼາຽປານວ່າຊ້າງ ປັນຍາກວ້າງລ່ຽນໄຫຼ
    ຜີວພັນໃສສົດຊຶ້ງ ສວຽງາມສ່ຳສາວບ່າວ
    ໃຫ້ສວຽງາມສູ່ມື້ ເປັນໜຸ່ມຊິ້ງສູ່ວັນ
    ການງານໃຫ້ກ້າວໜ້າ ການເງິນກະໃຫ້ຄ່ອງ
    ໄດ້ຢູ່ປອງສືບສ້າງ ສຸຂລົ້ນຊົ່ວກາຮະນາ...

  15. ປີ