ຄຳອວາຽໄຊ ໃຫ້ພອນ ຕ່າງໆ

ຄຳອວາຽໄຊ ໃຫ້ພອນ ຕ່າງໆ

ອວຍພອນ ທົ່ວໄປ

  1. ຊີວິຕຕັ້ງແຕ່ນີ້ ໃຫ້ມີແຕ່ຄວາມສຸກ
    ອັນໝູ່ ມວນຄວາມທຸກຂ໌ ໃຫ້ຫ່າງຫາຽໄປສິ້ນ
    ສນຸກກິນສນຸກຊ້ອນ ສນຸກນອນສນຸກນັ່ງ
    ສຸກສົມຫວັງທຸກດ້ານ ເງິນງານພ້ອມຄູ່ສູ່ອັນ

    ຄວາມທຸກຈົນໃຫ້ໜີໜ້າ ມີກາຍາອັນແຂງແກ່ງ
    ຄວາມແຂງແຮງມາກລົ້ນ ຈົນຄົນເອີ້ນ ຊຸບເປີ່ແມນ...

  2. ໃຫ້ເຈົ້າສຸກຢູ່ໝັ້ນ ຜົລທີ່ກໍ່ກັມດີ
    ໃຫ້ຢູ່ດີມີແຮງ ບໍ່ປ່ຽນແປງສຸກນັ້ນ
    ອາຍຸຍືນຍາວໝັ້ນ ພັນປີຢ່າໄດ້ຫຼ່າ
    ມີເດຊາກຽດກ້ອງ ໃຫ້ຄົນຍ້ອງກ່າວຂາມ

ອວຍພອນ ຜູ້ອາວຸໂສ

  1. ຊີວິຕ ຕໍ່ແຕ່ນີ້ ໃຫ້ມີແຕ່ຕໍ່ຄວາມສຸຂ
    ຝູງໜູ່ ໂພຽພັຍທຸກ ຢ່າໄດ້ມີມາໃກ້
    ອັນໝູ່ ໂຣຄາໄຂ້ ຫວັດໄອໃຫ້ໄກຫ່າງ
    ຮ່າງກາຽ ແຂງແຮງຂຶ້ນ ຢືນ ນັ່ງ ໄດ້ ແລ່ນຫັນ

    ໃຫ້ຄວາມຝັນ ເປັນຈິງໄດ້ ສົມຕັ້ງໃຈທຸກສິ່ງຢ່າງ
    ສຸຂສົມຫວັງທຸກດ້ານ ສົມພານກວ້າງກວ່າກາຽ
    ສນຸກກິນສນຸກໃຊ້ ສຸຂສ່ຳບາຽທັງມ່ວນຊື່ນ
    ອາຍຸ ຍືນແກ່ເຖົ້າ ກາຍາເຈົ້າຍັງບ່າວສາວ

    ໂຊຄລາພ ໄຫຼຫຼັ່ງເຂົ້າ ເຕັມກະເປົາເໝີດທຸກທີ່
    ມີຄົນຮັກທົ່ວບ້ານ ຍໍຍ້ອງທົ່ວແຜ່ນດິນ
    ລູກຫຼານເໝີດທັງສິ້ນ ໄດ້ເພິ່ງ ພາອາສັຍ
    ເປັນຮົ່ມໂພ ຮົ່ມໄຊ ໄດ້ເພິ່ງເຢັນຫາຽຮ້ອນ
    ສົມດັັ່ງພອນ ທີ່ໄດ້ໃຫ້ ສາທະຍາຽທຸກສິ່ງຢ່າງ
    ສຸຂສົມຫວັງດັ່ງວາດເວົ້າ ໃຈເຈົ້າທຸກປະການ ນັ້ນທ້ອນ
  • ອວຍພອນ 4
    ຊີວິຕ ຕໍ່ແຕ່ນີ້ ໃຫ້ມີແຕ່ຄວາມສຸຂ
    ອັນໝູ່ມວນຄວາມທຸຂ ໃຫ້ຫ່າງໄກໄປລີ້
    ໂຊຄດີໆໃຫ້ຫຼັ່ງເຂົ້າ ໂພຽພັຍໃຫ້ໄກຫ່າງ
    ຍ່າງຕາມທາງແຕກຕື້ມຕື້ມ ສາວແສ້(ສ່ຳນ້ອຽ)ໃຫ້ແຫ່ແຫນ

    ຄົນທົ່ວແດນຍົກຍ້ອງ ຜອງຄົນເອີ້ນ "ເສັ່ຽ"
    ແສ້້ສາວເອີ້ນວ່າອ້າຽ ແມ່ໝ້າຽເອີ້ນວ່າຜົວ
    ເປັນເຈົ້າ "ສວາ" ແສນລ້ານ ລູກຫຼານໄດ້ພາເພິ່ງ
    ອາຍຸເຫິງຮອດຮ້ອຽ ບໍ່ຖອຽລ້າເຮື່ອແຮງ
    ຄວາມແຂງແຮງຄົງໝັ້ນ ບໍ່ມີວັນແປປ່ຽນ
    ຈົນກສຽນຮ້ອຽຄັ້ງ ຍັງໜຸ່ມແໜ້ນຫຼໍ່ດັ່ງຝັນ ນັ້ນທ້ອນ
  • ອວຍພອນ 5
    ຂໍໃຫ້ຍືນຍາວໝັ້ນ ສຸກສຳຣານໂຍຍິ່ງ
    ສິ່ງໃດ ດີໃຫ້ຫຼັ່ງເຂົ້າ ສິ່ງໃດຮ້າຽໃຫ້ພ່າຽໜີ
    ໃຫ້ເຈົ້າ ມີ ເປັນ ໄດ້ ສົມໃຈທຸກສິ່ງຢ່າງ
    ທາງໂຣຄາແລະເຈັບໄຂ້ ຢ່າມາໃກ້ໃຫ້ສບາຽ
    ສຸກສົດໃສເດີ້ເຈົ້າ ໃຫ້ເປັນສາວສວຍສງ່າ
    ມີປັນຍາຫໍ່ຫຸ້ມ ຜລາກວ້າງຊວ່າງໃຈ ນັ້ນທ້ອນ
  • ອວຍພອນ 6
    ຊີວິຕ ຕໍ່ແຕ່ນີ້ ໃຫ້ເຈົ້າມີ ໃຫ້ເຈົ້າຮັ່ງ
    ຍ່າງໄປໃສໃຫ້ພົບພໍ້ ຫໍ່ແກ້ວພ່ອງເງິນຄຳ
    ໃຫ້ເພີນນຳໄດ້ ມີ ເປັນ ສັພພະສິ່ງ
    ສິ່ງໃດ ດີໃຫ້ຫຼັ່ງເຂົ້າ ສິ່ງໃດຮ້າຽ ໃຫ້ຫຼັ່ງໜີ

    ໃຫ້ຝັນດີ ຖືກເລຂ ຣ້ຳຣວຽຫຼາຽກວ່າໝູ່
    ຄວາມຮູ້ ຫຼາຽທຸກດ້ານ ສຳຣານແທ້ທຸກປະການ
    ການງານ ກໍ່ໃຫ້ໄດ້ ຍົສໃຫຽ່ເປັນເຈົ້ານາຽ
    ມີສົມບັຕເຫຼືອຫຼາຽ ໃຜເຫັນກໍ່ຍໍຍ້ອງ
    ເງິນທອງມີມາກລົ້ນ ຈົນສາວສາວ ໄດ້ເອີ້ນ "ເສັ່ຽ"
    ເມັຽຢູ່ນຳເອີ້ນອ້າຽ ໄທບ້ານເອີ້ນ "ເສຖຖີ"
  • ອວຍພອນ 7
    ຂໍໃຫ້ ຍືນຍາວໝັ້ນ ສຸກສຳຣານລ້ຳຍິ່ງ
    ສິ່ງໃດ ດີໃຫ້ຫຼັ່ງເຂົ້າ ສິ່ງໃດຮ້າຽໃຫ້ຫຼັ່ງໜີ
    ໃຫ້ຮັ່ງມີດີໄດ້ ສົມດັ່ງມໂນໝາຽ
    ສຸກສ່ຳບາຽປານພຍາ ຢູ່ດີຢ່າມີຮ້ອນ
    ສົມດັ່ງພອນຫຼານໄດ້ ສາທະຍາຽທຸກສິ່ງຢ່າງ
    ສຸຂສົມຫວັງດັ່ງວາດເວົ້າ ໃຈເຈົ້າຄູ່ສູ່ອັນ
  • ອວຍພອນ 8
    ຊີວິຕ ຕໍ່ແຕ່ນີ້ ໃຫ້ມີຕັ້ງແຕ່ຄວາມສຸຂ
    ໃຫ້ສນຸກສຸກສັນ ມ່ວນມັນໄປໜ້າ
    ສົມປຣາຖນາສູ່ດ້ານ ເງິນງານລາພໃຫຽ່
    ຄວາມສ່ຳບາຽແລ່ນເຂົ້າ ສາວນ້ອຽໄດ້ແຫ່ແຫນ

    ແຟນກະຫຼາຽ ໝູ່ກະລົ້ນ ມີແຕ່ຄົນຢາກເປັນສ່ຽວ
    ໃຜກະຫຼຽວເບິ່ງເຈົ້າ ເອົາເງິນໃຫ້ຕຳແໜ່ງນຳ
    ອັນໝູ່ກັມເວຣຮ້າຽ ອັນຕລາຍໃຫ້ໜີຫ່າງ
    ພົບແຕ່ທາງກ້າວໜ້າ ຈເຣີນຂື້ນດັ່ງຫວັງ

    ເງິນຄຳ ໄຫຼຫຼັ່ງເຂົ້າ ເຕັມກະເປົາແໜ້ນມິຫຼີ່
    ເປັນເສຖຖີທຸກດ້ານ ລູກຫຼານໄດ້ເພິ່ງພາ
  • ອວຍພອນ 8
    ຊີວິຕ ຕໍ່ແຕ່ນີ້ ໃຫ້ມີຕັ້ງແຕ່ຄວາມສຸຂ
    ໃຫ້ໝູ່ມວນຄວາມທຸກ ຢ່າຊູມີມາໃກ້
    ອັນໝູ່ໂຣຄາໄຂ້ ຫວັດໄອໃຫ້ໄກຫ່າງ
    ໝູ່ປວດຫຼັງປວດຂໍ້ ... ຢ່າຊູ່ມີ
    ໃຫ້ແອວດີເດ້ງໄດ້ ຕຶງຕັງຄືແຕ່ກ່ອນ
    ນອນຫຼັບດີກິນແຊບ ແອບເຫຼັ້ນມ່ວນມັນ

    ໃຫ້ຄວາມຝັນເປັນຈິງໄດ້ ສົມດັ່ງມໂນໝາຽ
    ສຸຂສ່ຳບາຽປານພຍາ ຢູ່ດີຢ່າມີຮ້ອນ
    ສົມທີ່ພອນທີ່ຫຼານໄດ້ ສາທະຍາຽທຸກສິ່ງຢ່າງ
    ສຸກສົມຫວັງດັ່ງວາດເວົ້າ ສົມໃຈເຈົ້າຄູ່ສູ່ອັນ

ອວຍພອນ ທ່ານຍິງ

  1. ຊີວິຕຕໍ່ແຕ່ນີ້ ໃຫ້ມີຕັ້ງແຕ່ຄວາມສຸກ
    ອັນໝູ່ມວນຄວາມທຸກ ໃຫ້ຫ່າງໄກພັນລີ້
    ໂຊກດີໃຫ້ຫຼັ່ງເຂົ້າ ໂພຍພັຍໃຫ້ໄກຫ່າງ
    ໃຫ້ໄດ້ພົບຫົນທາງ ຮຸ່ງເຮືອງທັງກ້າວໜ້າ ຈເຣີນຂື້ນຢ່າຖອຽ

    ເປັນຜູ້ສາວວສ່ຳນ້ອຽ ຫ້າຮ້ອຽປີກະຍັງງາມຢູ່ຄືເກົ່າ
    ບໍ່ມີວັນແກ່ເຖົ້າ ຜູ້ບ່າວຫຸ້ມຮັກແພງ
    ຄວາມແຂງແຮງຄົງໜັ້ນ ບໍ່ມີວັນແປປ່ຽນ
    ຈົນກະສຽນຮ້ອຽຄັ້ງ ຍັງເຊ໊ກຊີ້ດັ່ງຝັນ

ອວຽພອນ ລາ

  1. ຂໍລາເດີ້ ທຸກທ່ານ ອາຈາຮໃຫຽ່ຜູ່ມີກຽດ
    ຜູ່ມາຮ່ວມໂອບຣົມ ຢູ່ນຳກັນຫຼາຽວັນແລ້ວ
    ຂໍລາແນວຊຸມເຊື້ອ ວິທຍາກອນຄົນ ສວຽ/ຫຼໍ່
    ຄົງສິໄດ້ພົບພໍ້ ກັນແທ້ແນ່ນອນ
    ຄວາມຄິດຍັງອ້ອນຕ້ອນ ຂາຍັງຍ່າງໄປເປັນ
    ເຫັນເປັນໄປແນວທາງ ດັ່ງຄວາມຫວັງຕັ້ງ
    ສິບໍ່ເຊົາທາງສ້າງ ການສຶກສາໃຫ້ເຮືອງຮຸ່ງ ດອກນາ
    ຄວາມຮູ້ໄດ້ເທື່ອນີ້ ນຳໄປໃຊ້ໄດ້ແນ່ນອນ
    ຈຶ່ງຂໍອວຽພອນໃຫ້ ໄຊໂຍສິທທິໂຊຄ
    ຖືກສໂຫຼກທຸກເຣື້ອງ ພັຍຮ້າຽເຈົ້າຢ່າມີ
    ໃຫ້ເຈົ້າ ສຸຂີໝັ້ນ ສເມີມັນເຄືອເກົ່າ
    ຢ່າໄດ້ມົວໝົ່ນເສົ້າ ຕຣາບເທົ້າຊົ່ວຊີວັງ ນັ້ນທ້ອນ

ອວຽພອນ ລາ ງານບຸນຜ້າປ່າ

  1. ຂໍລາເດີ້ທຸກທ່ານ ທີ່ມາງານບຸນຜ້າປ່າ
    ເທື່ອມີງານປີໜ້າ ຈັ່ງມາພໍ້ພົບກັນ
    ຂອບພຣະຄຸນທຸກທ່ານ ທີ່ດູແລເອົາໃຈໃສ່
    ແນວໃດແຊບຫາໃຫ້ ໃຈເຈົ້າຈັ່ງແມ່ນດີ
    ຄັນມີໃຈໃຫ້ກັນແລ້ວ ແນວໃດກະຊ້ອຽຊື່ນ
    ແມ່ນວ່າມີລາບກ້ອຽ ຊັງແລ້ວບໍ່ຢາກຫຼຽວ
    ຂ້ອຽຊິທຽວຫາໝູ່ເຈົ້າ ເອົາຜ້າປ່າມານຳ
    ມາທຳບຸນນຳກັນ ຜູກພັນເປັນພີ່ນ້ອງ
    ມາເປັນທອງຜືນແໜ້ນ ແຜ່ນດຽວກັນໝັ້ນແກ່ນ
    ແມ່ນຈາກໄປມື້ນີ້ ປີໜ້າຊິຕ່າວມາ
    ເຖິງເວລາຈາກກັນແລ້ວ ຂໍອວຽພອນແຖມສົ່ງ
    ປຣະສົງໃດຂໍໃຫ້ໄດ້ ສົມດ້າມດັງໝາຽ
    ຜູ່ໃດຮູປຮ່າງຮ້າຽ ໃຫ້ສວຽຫຼໍ່ຣະອໍຕາ
    ໂຊຄລາພໄຫຼຫຼັ່ງມາ ສູ່ວັນບໍ່ມີເວັ້ນ
    ໃຫ້ເຈົ້າມີເປັນໄດ້ ສົມດັ່ງໃຈທຸກສິ່ງຢ່າງ
    ຜູ່ທີ່ເປັນໝ້າຽຮ້າງ ໄດ້ແຟນຮູ້ຮັກຈິງ
    ຊຸມໝູ່ບ່າວສາວແສ້ ໃຫ້ສົມຫວັງຕັ້ງຕໍ່
    ຊຸມພໍ່ແມ່ພີ່ນ້ອງ ມີຄູ່ແລ້ວໃຫ້ໝັ້ນຍືນ...

ອວຽພອນ ໃຫ້ຄນະ ບຸນຜ້າປ່າ

  1. ຂອບພຣະຄຸນທຸກທ່ານ ທີ່ມາງານບຸນຜ້າປ່າ
    ຢ່າລືມສັນຍາທີ່ໃຫ້ໄວ້ ວ່າປີໜ້າເຈົ້າຊິມາ
    ຂ້ອຽຊິຫາແນວກິນໄວ້ ມວນປູປາປິ້ງປົ່ນ
    ແນວໃດແຊບຂົນມາໄວ້ ແມ່ນໄກໃກ້ຊິຊອກຫາ
    ຄັນບໍ່ໄດ້ເຫັນໜ້າ ເຈົ້າບໍ່ມາຄືດັ່ງວ່າ
    ຂ້ອຽຊິນອນນັ່ງຖ້າ ວິ່ງວອນຟ້າໃຫ້ຫຼ່ຳແຍງ
    ນ້ອງຄຳແພງເອື້ອຽອ້າຽ ໃຫ້ເມືອດີຢ່າລຳບາກ
    ຄວາມທຸກຍາກຢ່າມາໃກ້ ໂພຽພັຍໃຫ້ຫ່າງໄກ
    ອັນໝູ່ ໂຣຄາໄຂ້ ຫວັດໄອໃຫ້ໄກຫ່າງ
    ທາງຊີວິຕຂ້າງໜ້າ ໃຫ້ພານພໍ້ສຸຂສບາຽ
    ໂຊຄລາພໃຫ້ ໄຫຼຫຼັ່ງມາໂຮມ
    ສົມກັບຄວາມຕັ້ງໃຈ ສູ່ອັນຄືຝັນເຈົ້າ
    ຊຸມບ່າວສາວໄດ້ແຟນຮູ້ ຮັກແພງບໍ່ແໜງໜ່າຽ
    ຜູ້ທີ່ເປັນຮ້າງໝ້າຽ ໄດ້ແຟນຮູ້ຮັກຈິງ
    ມີຄູ່ອີງແອບແລ້ວ ໃຫ້ໝັ້ນຍືນຍາວຍິ່ງ
    ສິ່ງໃດດີໃຫ້ຫຼັ່ງເຂົ້າ ສິ່ງໃດຮ້າຽໃຫ້ຫຼັ່ງໜີ
    ໃຫ້ເຈົ້າມີເປັນໄດ້ ສົມຕັ້ງໃຈເຈົ້າທຸກຢ່າງ
    ເຫັນທາງມາວັຕບ້ານຂ້ອຽ ມາຊ່ອຽສ້າງຢ່າໄດ້ລືມ ເດີ້

ຄຳອວຽພອນ ສຳຣັບຂ້າຣາຊການ ຊາຽ

ຊີວິຕ ຕໍ່ແຕ່ນີ້ ໃຫ້ມີແຕ່ຄວາມສຸຂ
ອັນໝູ່ມວນຄວາມທຸກ ຢ່າຊູມີມາໃກ້
ອັນໝູ່ໂຣຄາໄຂ້ ຫວັດໄອໃຫ້ໄກຫ່າງ
ໄດ້ພົບທາງກ້າວໜ້າ ຈເຣີນຂຶ້ນບໍ່ຖອຽ
ເປັນຜູ້ບ່າວສ່ຳນ້ອຽ 500ປີ ຫູຕາດີຄືເກົ່າ
ບໍ່ມີວັນແກ່ເຖົ້າ ຜູ້ສາວຫຸ້ມຮັກແພງ
ຄວາມແຂງແຮງຄົງໝັ້ນ ບໍ່ມີວັນແປປ່ຽນ
ຈົນກະສຽນ 100 ຄັ້ງ ຍັງໜຸ່ມແໜ້ນຫຼໍ່ດັ່ງຝັນ
ອາຍຸຍືນຍາວໝັ້ນ ພັນປີສີສງ່າ
ສຸຂຢູ່ໃນໃຕ້ຫຼ້າ ມາໂຮມເຈົ້າສູ່ວັນ
ນອນຫຼັບນັ້ນ ໄດ້ເງິນພັນເງິນໝື່ນ
ຕື່ນຂຶ້ນໄດ້ເງິນເຕັມຫ້ອງ ເງິນຄຳເຕັມຢ້າວເຕັມເຮືອນ ເດີ້...

ຄຳອວຽພອນ ສຳຣັບຂ້າຣາຊການ ຍິງ

ຊີວິຕ ຕໍ່ແຕ່ນີ້ ໃຫ້ມີແຕ່ຄວາມສຸຂ
ອັນໝູ່ມວນຄວາມທຸກ ໃຫ້ຫ່າງໄກພັນລີ້
ໂຊກດີໃຫ້ຫຼັ່ງເຂົ້າ ໂພຽພັຍໃຫ້ໄກຫ່າງ
ໄດ້ພົບທາງກ້າວໜ້າ ຈເຣີນຂຶ້ນບໍ່ຖອຽ
ເປັນຜູ້ສາວສ່ຳນ້ອຽ 500ປີ ສວຽງາມດີຄືເກົ່າ
ບໍ່ມີວັນແກ່ເຖົ້າ ຜູ້ບ່າວຫຸ້ມຮັກແພງ
ຄວາມແຂງແຮງຄົງໝັ້ນ ບໍ່ມີວັນແປປ່ຽນ
ຈົນກະສຽນ 100 ຄັ້ງ ຍັງເຊັກຊີ້ງາມດັ່ງຝັນ
ອາຍຸຍືນຍາວໝັ້ນ ພັນປີສີສງ່າ
ສຸຂຢູ່ໃນໃຕ້ຫຼ້າ ມາໂຮມເຈົ້າສູ່ວັນ
ນອນຫຼັບນັ້ນ ໄດ້ເງິນພັນເງິນໝື່ນ
ຕື່ນຂຶ້ນໄດ້ເງິນເຕັມຫ້ອງ ເງິນຄຳເຕັມຢ້າວເຕັມເຮືອນ ເດີ້...