ບຸນແລະງານຕ່າງໆໃນສິບສອງເດືອນ (ຮີດສິບສອງ)

  1. ຕົກເດືອນຈຽງຫຼືເດືອນອ້າຽ ສາຽລົມເຢັນມາໜາວໜ່ວງ
    ປວງໝູ່ສັງຄະເຈົ້າ ເພິ່ນເຂົ້າຢູ່ກັມ
    ເຮົາມາພາກັນຄ້ຳ ທຳບຸນຕັກບາດ
    ປາຣິວາສຊ່ອຽຍູ້ ຊູຄ້ຳສາສນາ

  2. ຮອດເດືອນຍີ່ຝັ່ງຟ້າວ ຍັງເຂົ້າໃໝ່ປາມັນ
    ໃຫ້ພາກັນມາໂຮມ ແຕ່ງບຸນປະທາຽເຂົ້າ
    ເຊີນກັນມາໂຮມເຕົ້າ ຢ່າຖືເອົາຄວາມຂີ້ຖີ່
    ບຸນຄູນລານແຕ່ກີ້ ມີໄວ້ໃຫ້ຮັກສາ

  3. ຮອດເດືອນສາມທ້ອງຟ້າ ກໍ່ປອດໂປ່ງສົດໃສ
    ໄປທາງໃດກໍ່...ເຫັນແຕ່ ຄົນໃຈບຸນ ໂຫ່ແຊວເປັນຄຸ້ມ
    ຫຼຽວເຫັນຊຸມສາວນ້ອຽ ງອຽຊານປັ້ນເຂົ້າຈີ່
    ເຮືອນລະສີ່ລະຫ້າ ພາເຂົ້າໃສ່ບຸນ
    ພ່ອງກໍ່ບີບເຂົ້າປຸ້ນ ຕົກແຕ່ງອາຫານ
    ມີທັງຫວານທັງຄາວ ໜຸ່ມສາວໂຮມຕ້ອມ
    ໃຜກໍຊອມທາງໜ້າ ເດືອນຊິມາເປັນເດືອນສີ່
    ຫຼັງຈາກບຸນເຂົ້າຈີ່ ຊິມີບຸນພະເວດເຈົ້າ ເຮົາຊິໄດ້ແຕ່ງທານ

  4. ຂວາງເຂຕບ້ານ ສຖານຖິ່ນດິນແດນ
    ແສນທີ່ສຸກສຳຣານ ຊື່ນບານງານຕ້ອນ
    ຕົກຫວ່າງຕອນຄົນຕັ້ງ ພຽນຟັງໃຈວອນວີ່
    ຕອນກັນຫາຊາລີ ຊິພາກພໍ່ແມ່ແກ້ວ ຄົນຊິໄຫ້ນັ່ງຟັງ
    ມີພຽງປີລະຄັ້ງ ໃຫ້ເຮົາຊ່ອຽກັນສານ
    ຈັດເປັນງານປະເພນີ ສືບມາພາຽຊ້ອຽ

  5. ຕົກຣະດູເດືອນຫ້າ ລົມພັດມາ ຂາດເປັນຍ່ານ
    ດອກຈານບານເບັ່ງແຍ້ມ ເຕັມທ້ອງທົ່ງນາ
    ເດືອນນີ້ບໍ່ໄດ້ຊ້າ ປີໃໝ່ມາເຖິງ
    ໃຫ້ພາກັນທຳບຸນ ປ່ອຽປາລົງນ້ຳ
    ເຕົ່າຊິຖາມຫາບຸ້ນ ຄົນບຸນຊິມາປ່ອຽ
    ນົກຊິງອຽງ່າໄມ້ ຄອຽຖ້າຕັ້ງແຕ່ຝົນ

    ເດືອນນີ້ມ່ວນຈົ້ນໆ ຄົນກໍ່ຫຼັ່ງມາຫຼາຽ
    ເອົາຊາຍມາໂຮມກອງ ກໍ່ເປັນເຈດີໄວ້
    ໃຜກໍ່ຍໍມືໄຫວ້ ອະຖິຖານຕັ້ງຕໍ່
    ປາຖນານໍ້ພົບພໍ້ ກຸສົນສ້າງສ່ວນສລອງ

  6. ຮອດເດືອນຫົກສຽງຟ້າຮ້ອງ ໄຂບອກທາງຄົນ
    ມີແຕ່ຝົນກັບລົມ ສົ່ງສຽງກຶກກ້ອງ
    ສາຽຕາມອງເຫັນແລ້ວ ໃນໃຈກະໃຫ້ມ່ວນ
    ສ່ວນວ່າຂຽດອີ່ໂມ້ ລຳກ້ຽວໃສ່ຜູ່ສາວ
    ເຫັນປາຂາວ ປາຊີວຫຼິ້ນ ປານິນ ປາກະເດີດ
    ເຈີດແລ່ນ ລວນຢອກລໍ້ ກັນເຫຼັ້ນຊື່ນສບາຽ

    ເດືອນນີ້ ເໝີດໂທສຮ້າຽ ບໍ່ມີເຣື່ອງເລີງຫຼົງ
    ອັສສະດົງດວງອາທິຕ ຄ່ຳລົງປາຽໄມ້
    ເຫັນແຕ່ສີໃສເນັ້ນ ວັນເພັນສິບຫ້າຄ່ຳ
    ວິສາຄະເລີດລ້ຳ ຊາວບ້າວບໍ່ຢູ່ເສີຽ
    ໃຜກໍ່ຍິ້ມເປີ້ຽໆ ລົງວັດວຽນທຽນ
    ພຽນບຳເພັນເພິງນົບ ຕໍ່ພະຄຸນຄອງເຄົ້າ

  7. ເດືອນເຈັດເຜົາຄວາມຮ້າຽ ອັນຕລາຽບໍ່ມາຜ່ານ
    ນິມົນພຣະຂຶ້ນບ້ານ ສຖານຫ້ອງຕ່ອງທັມ
    ບຸນສິມາຊ່ອຽຄ້ຳ ຊູສົ່ງຣາສີ
    ບາຣະມີຜົລທານ ສິໄລ່ມານພັຍພົ້ນ
    ຕັ້ງແຕ່ຄົນເຄີຽໄດ້ ຍິນມາແຕ່ປາງກ່ອນ
    ບຸນຊຳຣະ ສລະຄວາມເດືອດຮ້ອນ ເມືອງບ້ານສິຊຸ່ມເຢັນ
    ຈັນເພັນແຈ້ງ ທໍແສງໃສສງ່າ

  8. ເດືອນແປດມາຮອດແລ້ວ ສິແວວຂຶ້ນລື່ນຫຼັງ
    ເດືອນນີ້ເພິ່ນສິຢັ້ງ ເຂົ້າຢູ່ຈຳພັນສາ
    ພາວະນາໂອບຣົມ ຂົ່ມໃຈສູ່ແລງເຊົ້າ
    ເຮົາມາພາກັນເຂົ້າ ກະທຳບຸນພ້ອມພ່ຳ
    ຖວາຽຜ້າອາບນ້ຳໃຫ້ ພຣະສົງໄດ້ໃຊ້ສອຽ

    ເດືອນແປດຄ້ອຽ ເຫັນລົມທັ່ງໃບຂຽວ
    ຫຼຽວເບິ່ງຊຸມປາຂາວ ແລ່ນມາໂຮມຕ້ອມ
    ກົບເພິ່ນນອນຄອຽຖ້າ ຝົນມາສິໄດ້ມ່ວນ
    ລົງເຫຼັ້ນນ້ຳ ໂຊະຊ້າຊວ່າແຊວ

  9. ເດືອນເກົ້າມາຮອດແລ້ວ ບ້ານປ່າຂາດອນ
    ເຫັນນົກເຂົາງອຽຄອນ ສົ່ງສຽງຫາຊູ້
    ເຖິງຣະດູເດືອນເກົ້າ ຊາວລາວທຸກທ້ອງຖິ່ນ
    ເຮັດບຸນເຂົ້າປະດັບດິນ ຍິນແຕ່ຄວາມຊື່ນຊ້ອຽ ຍິນຣະຫ້ອຽຊ່ອຽຖວາຽ

    ພົ້ນຈາກມານຫຍາບຮ້າຽ ພາກັນຢູ່ເປັນສຸກ
    ອັນວ່າໂພຍພັຍທຸກ ຢ່າຜ່ານພາມາໃກ້
    ມີແຕ່ສົດໃສເຫຼື້ອມ ເຫຼື່ອມງຳງາມມ່ວນ
    ຕ່າງກະຊວນພີ່ນ້ອງ ລົງພ້ອມແຕ່ງທານ

  10. ຂວາງເຂຕບ້ານ ຢ້ານປ່ານາຫວາຽ
    ເຖິງເດືອນສິບ ສິກົ່ນມັນມາຕົ້ມ
    ພ່ອງກໍ່ງົມກໍເຂົ້າ ຫາເທົາກຳລັງອ່ອນ
    ພ່ອງກະຄົນຕ່ານ້ອຽ ລົງຫ້ວຽຮ່ອງນາ

    ເດືອນນີ້ບໍ່ໄດ້ຊ້າ ພາກັນແຕ່ງທານຖົງ
    ເຂົ້າສາກລົງໄປວັດ ໃຫ້ໝູ່ສັງໂຄເຈົ້າ
    ລາບເທົາໝົກດັກແດ້ ຕັກແຕນກຸດກີ່
    ມີທັງຊຸບໝາກມີ້ ມາພ້ອມພ່ຳກັນ

  11. ເດືອນສິບເອັດວ່ານັ້ນ ຫົວລົມອ່ວຽໂຊຽໜາວ ສາແລ້ວ
    ຍາມຜູ້ສາວສິຂາລາຽ ຜູ່ຊາຽສິຂາກ້ຽງ
    ໄດ້ຍິນສຽງລົມຕ້ອງ ໃບຕອງຢູ່ເວີ່ນໆ
    ໝາຈອກເອີ້ນສັ່ງຊູ້ ກະປູໝົ້ນເຂົ້າຝັ່ງໜອງ

    ນົກແຈນແວນອອກຮ້ອງ ຫາຄູ່ຜສົມພັນ
    ຄວາຽບັກເທິກຖົກຖັນ ແລ່ນຕຳຕໍພ້າວ
    ຝູງປາຂາວໂຮມຕ້ອນ ຜູ້ສາວນອນຂີ້ຄ້ານຕື່ນ
    ປາດຸກບຶນຂ້ອນແຈ້ງ ຫັນໜ້າເຂົ້າໃສ່ຫຼຸມ

    ຟັງສຽງຟ້າຮ້ອງຕຸ້ມ ເອີ້ນສັ່ງຣະດູຝົນ
    ຝູງໝູ່ຄົນລົງເລາະ ໄຮ່ນາປາຂ້ອນ
    ເດິກອອນຊອນຈັນແຈ້ງ ທໍແສງໃສສງ່າ
    ອອກພັນສາ ລາພຣະເຈົ້າ ຫາຽເສົ້າຫ່ວງຫາ

  12. ບັດນີ້ແລ້ວວັດສິເປັນກ່ຳພ້າ ບໍ່ມີພຣະສິມານອນ
    ມາອອນຊອນແຕ່ທາຍົກ ໄລ່ງົວມາລ້ຽງ
    ໄດ້ຍິນສຽງກອງໂຍ້ນ ວັນເພັນສິບຫ້າຄ່ຳ
    ພຣະສິລາອອກຄ້ຳ ໄຕຣມາດສິສັ່ງລາ

    ຫຼຽວຂຶ້ນເບິ່ງທ້ອງຟ້າ ເຫັນແຕ່ວ່າວເດືອນສິບສອງ
    ລົມຄນອງໂຊຍພັດ ງ່າຽງົມກະເລີຽໝັ້ນ
    ພໍສົມຄວນຫາຜ້າ ກະຖິນທານມາທອດ
    ຕລອດເດືອນໜຶ່ງພຸ້ນ ຫາໄດ້ດັ່ງປະສົງ ແທ້ແລ້ວ.