ບຸນຄຸນພໍ່ກັບແມ່
ນອນສາເດີ້ໆຫຼ້າ ຫຼັບຕາແມ່ຊິສັ່ງ ເຈົ້າຟັງມາແຕ່ນ້ອຽ ຈົນວ່າໄດ້ໃຫຽ່ມາ ຈົນພໍ່ແມ່ນັ້ນນາ ເຖົ້າແກ່ຊະລາການ ລ້ຽງລູກຫຼານຫຼາຽຄົນ ຕັ້ງແຕ່ຄາວຍັງນ້ອຽ ພໍ່ແມ່ຄອຽພຽນລ້ຽງ ພຽງດວງຕາ... ຂອງພໍ່ແມ່ ແນວໃດດີແມ່ຍົກໃຫ້ ລູກໄດ້ ຄູ່ສູ່ອັນ ໃນໂອກາດນີ້ນັ້ນ ແມ່ຊິກ່າວເປັນຄຳສອນ ເປັນບົດກອນສອນນຳ ໃຫ້ຈື່ຈຳເອົາໄວ້ ດ້ວຽຫົວໃຈທີ່ຮັກຍິ່ງ ຈາກໃຈຈິງຂອງພໍ່ແມ່ ຄືຄວາມຮັກທ່ຽງແທ້ ຫາແນວທຽບກະບໍ່ປານ ລູກແມ່ເອີ້ຽ... ເຈົ້າຢ່າໄດ້ຂີ້ຄ້ານ ໃຫ້ບອກງ່າຽຟັງຄວາມ ໃຫ້ສຳຣວມຄຳຈາ ກ່ອນຊິວາທີຕ້ານ ເວົ້າຄຳຫວານຢ່າມີສົ້ມ ໃຊ້ອາຣົມໃຫ້ຕັ້ງທ່ຽງ ຢ່າໄດ້ຖົກໄດ້ຖຽງ ໃຊ້ສຳນຽງເຮັ່ງຮ້າຽ ພໍ່ແມ່ເຈົ້າໃຫ້ເລົ່າຟັງ ຍາມລູກຜິດພາດພັ້ງ ພໍ່ແມ່ອະພັຍເໝີດ ຮັກບໍ່ມີຈາງຫາຽ ໜ່າຽຊັງພໍດີ້ ມີແຕ່ຄຳສອນຊີ້ ແນວໃດດີເພິ່ນບອກກ່າວ ໃຫຽ່ເປັນບ່າວເປັນສາວ... ຍາມເຈົ້າມີຄູ່ຊ້ອນ ຢ່າລືມແທ້ແມ່ຢູ່ເຮືອນ ເຈົ້າຢ່າໄດ້ຄາດເຄື່ອນ ເບືອນໜ່າຽ... ກາຽໜີ ທັງບຸຕຕາ ທັງບຸຕຕີ ໃຫ້ເລົ່າຈຳຈົນກ້ຽງ ໃຫ້ເຈົ້າຄອຽພຽນລ້ຽງ ສອງເຂືອພໍ່... ແລະແມ່ ຍາມເພີ່ນເຖົ້າແກ່ແລ້ວ ຄືກົກໄມ້ໃກ້ຝັ່ງໜອງ ຟັງເອົາເດີ້ອ້າຽນ້ອງ ທ້ອງຖິ່ນດິນລາວ ສຸກສຳຣານກັນເໝີດ ຢູ່ບໍ່ນໍລູງປ້າ ໃຜຜູ່ດີມີໜ້າ ລູກຫຼານພາ ກັນຕູ້ມຫໍ່ ໃຜຜູ່ທຸກຍາກໄຮ້ ລູກຫຼານໃຊ້ບໍ່ລ່ຳແຍງ ປ່ອຽໃຫ້ສອງເຖົ້າແລ້ງ ບັດແຕ່ງທຸກແສນເຂັນ ເຫັນມາຫຼາຽພໍແຮງ ຈຶ່ງແຕ່ງກອນເອົາມາເວົ້າ ໃຫ້ສົງສານຍາຽເຖົ້າ ຄິດເຖຶງຄາວເພີ່ນຕູ້ມຫໍ່ ຕັ້ງແຕ່ແມ່... ຕັ້ງແຕ່ພໍ່... ຕັ້ງແຕ່ຄາວນ້ອຽໆ ຈົນວ່າໄດ້ໃຫຽ່ມາ